المساعد الشخصي الرقمي

مشاهدة النسخة كاملة : أسأل ونحن نجيب عن الكوكتيل



الصفحات : 1 [2] 3 4 5

مرتضى ابو نرجس
06-22-2012, 07:10 PM
اذا اصفر ونظيف وبصحه جيده من75 الى 80 الف...
وطبعا الثاني ماعرفته شنو.اذا تكدر ترفع صورهم ونكدر نفيدك ان شاء الله

ابو مسلم
06-22-2012, 07:20 PM
اخي العزيز ابو نرجس اريد سعر الابيض هو فحل .

مرتضى ابو نرجس
06-22-2012, 08:18 PM
ابو مسلم ..هو ابيض صافي بدون بقع صفراء عالخدود لو بيه بقع صفراء ..

عراقي
06-25-2012, 12:01 AM
مربي جديد عندي 18 كوكتيل مربيهم داخل قفص 9 خانات @هل يمكن ان انقل هذب ال 18 كوكتيل من غير القفص وتربيتهم مجموعه وحده داخل غرفه كبيره مبرده داخل البيت؟؟@ احتاج معلومات لتكوين معيشتهم داخل الغرفه& وشكرا
اسماء الكوكتيل :( بته رصاصي عدد اربعه و بته اصفر عدد اربعه ورصاصي انكليزي عدد اثنين وغيرها)

ابو مسلم
06-25-2012, 12:30 AM
سلام عليكم اخي
العزيز ابو نرجس ارجو معرفت نوع الطائر نثيه لو فحل وعمره واذا كان جاهز او لا ولك الشكر


http://www.gulfup.com/thumbs/1340569169501.jpghttp://www.gulfup.com/thumbs/1340569605711.jpg http://www.gulfup.com/thumbs/1340569722631.jpg

ابو مسلم
06-29-2012, 09:42 AM
سلام عليكم
اخي العزيز ابو نرجس عندي طيور ماياكلن بيض السلك شسويلهن ولك جزيل الشكر .

مرتضى ابو نرجس
06-29-2012, 11:28 AM
جوعهن وجبه وحده وتخليليهم بس مي..
وبعدين خلي البيضه السلك بدون اكل بس البيضه وهنه ياكلن

ابو مسلم
06-30-2012, 05:29 PM
سلام عليكم
اخي ابونرجس لقد نجحت العمليه واكلن البيض وفقك الله اخي العزيز ولاتنساني .

مرتضى ابو نرجس
06-30-2012, 07:18 PM
بالخدمه ابو مسلم وماناسيك لكيت واحد اصفر لوتينو عيون حمر يريده85الف مال بغداد وقافل عالسعر

AhMeD GlOsTeR
07-03-2012, 06:07 PM
السلام عليكم....اخي العزيز شلون اتخلص من صياح الكوكتيل

مرتضى ابو نرجس
07-06-2012, 07:40 PM
اخي ماافتهمت سؤالك معذرتا يعني شنو اشلون اخلص من صياح الكوكتيل قصدك التغريد او صياح مال النثيه لو شنو ممكن توضيح

FalconSniper
07-07-2012, 02:21 AM
السلام عليكم....اخي العزيز شلون اتخلص من صياح الكوكتيل

وعليكم السلام ...

أنا أيضا أخي أحمد لم أفهم قصدك من السؤال ... فأذا كنت متضايق من تغريد ذكور الكوكاتيل وصرخات وصيحات الأنثى ... فكان الأجدر أن تتعرف على صوت الكوكاتيل وحدته قبل أن تقرر تربيته ... لأن هذه الأصوات هي الأصوات الطبيعية اللتي يقوم بها الكوكاتيل يوميا وفي عدة اوقات ... ولدي في هذه اللحظة اللتي أكتب لك فيها (الساعة 1:15 بعد منتصف الليل) أحد ذكوري الأيزابيل الأليفة يغرد ويناديني للعب معه ... يعني يجب عليك أن تتعود على صوته لأنه لن يقوم بتغييره أبدا إلا في حالة المرض لا سامح الله ...

أتمنالك التوفيق في تربية الكوكاتيل لأنه طائر جميل بكل معنى الكلمة ...

ابو مسلم
07-08-2012, 05:49 PM
سلام عليكم
اخي العزيز ابو نرجس 1- قبل ثلاثة ايام لكية في ارضية البرج بيضه مكسوره بس كشر البيضه يشبه كشر البصل 2- كوكتيل صار ثلاثة ايام داخل البياضه هل باضن ولك جزيل الشكر .

مرتضى ابو نرجس
07-08-2012, 06:30 PM
ابو مسلم افحص البياضه على كيفك.
وهاي البيضه شنو مكسوره او ماكوله لو شنو

AhMeD GlOsTeR
07-10-2012, 12:00 PM
مشكورين ع الجواب بس اني ماقصدت ع التغريد قصدت ع صياح الذكر

مرتضى ابو نرجس
07-10-2012, 12:23 PM
الذكر يغرد فقط والانثى صياح فقط ولاتغرد اخ احمد

A7medW7
07-11-2012, 08:47 PM
السلام عليكم ورحمة الله وبركاته
حبيت اسأل على سعر الزوج كوكتيل
يمنا مشتل كالي ب160 ألف
اني دا اشوفه غالي
هو هذا سعره الحقيقي؟ واكو انواع وشنو الأسعار؟
شكرا جزيلا

مرتضى ابو نرجس
07-11-2012, 09:00 PM
وعليكم السلام.شنو اللون

A7medW7
07-11-2012, 10:42 PM
اصفر او اصفر فاتح حسب ما اتذكر
واني معندي خبرة

مرتضى ابو نرجس
07-12-2012, 03:55 PM
اي اذا اصفر لوتينو سعره من 145 الف الى 200 الف حسب النوع والنظافه والحجم ويكون الزوج مضمون من شخص ثقه.
وبالتوفيق الك مقدما

ابو مسلم
07-16-2012, 11:03 PM
سلام عليكم
اخي العزيز ابونرجس قراة في احد المواقع العربيه خبطات بذور مثل الجرجير يوضع حب مثل حبه سودة ووووووو ماهو رئيك ولك شكر .

مرتضى ابو نرجس
07-17-2012, 01:03 AM
صحيح ابو مسلم هواي اكو خلطات لكن احنه ماعلينه ببقية المواقع الاخرى .
واذا عالجرجير فااحنه ننطيه للطيور طازج افضل من الحبوب

مرتضى ابو نرجس
07-17-2012, 01:04 AM
صحيح ابو مسلم هواي اكو خلطات لكن احنه ماعلينه ببقية المواقع الاخرى .
واذا عالجرجير فااحنه ننطيه للطيور طازج افضل من الحبوب

shadi
07-17-2012, 05:01 PM
مرحبا انا عندي جوز من طيور الكوكتيل الذكر رأسه اصفر وظهره رمادي غامق والانثى اصفر ليموني وصار الهن عندي 3 شهور صار الذكر يدخل العش ويصدر اصوات جميلة وبعد فترة من الزمن قدرها 20 يوما اصبحت الانثى تدخل العش وبعد فترة قصيرة اصبحت الانثى والذكر يتبادلن في دخول العش واحيانا يكون الذكر في العش والانثى عند مخل العش جسمها خارج العش ولكن رأسها داخل العش ولسا ما وضعن بيض شو القصة ممكن تجاوبوا رجاءا
مع العلم اني اوفر الطعام والبيض المسلوق لهن رجاءا جاوبوا على سؤالي

علي77
07-17-2012, 05:22 PM
مرحبا انا عندي جوز من طيور الكوكتيل الذكر رأسه اصفر وظهره رمادي غامق والانثى اصفر ليموني وصار الهن عندي 3 شهور صار الذكر يدخل العش ويصدر اصوات جميلة وبعد فترة من الزمن قدرها 20 يوما اصبحت الانثى تدخل العش وبعد فترة قصيرة اصبحت الانثى والذكر يتبادلن في دخول العش واحيانا يكون الذكر في العش والانثى عند مخل العش جسمها خارج العش ولكن رأسها داخل العش ولسا ما وضعن بيض شو القصة ممكن تجاوبوا رجاءا
مع العلم اني اوفر الطعام والبيض المسلوق لهن رجاءا جاوبوا على سؤالي

اخي العزيز هذه علامات توالف الزوج وقرب وضع البيض
اذا كانت ظروف التفريخ مناسبة من التغذية وعدم الأزعاج ودرجة الحرارة واعمار الزوج ودرجة الجاهزية فأنك سترى البيض بأذن الله بعد 1-2 اسبوع من بدأ تلقيح الذكر للأنثى
موفق

مرتضى ابو نرجس
07-17-2012, 05:44 PM
مرحبا انا عندي جوز من طيور الكوكتيل الذكر رأسه اصفر وظهره رمادي غامق والانثى اصفر ليموني وصار الهن عندي 3 شهور صار الذكر يدخل العش ويصدر اصوات جميلة وبعد فترة من الزمن قدرها 20 يوما اصبحت الانثى تدخل العش وبعد فترة قصيرة اصبحت الانثى والذكر يتبادلن في دخول العش واحيانا يكون الذكر في العش والانثى عند مخل العش جسمها خارج العش ولكن رأسها داخل العش ولسا ما وضعن بيض شو القصة ممكن تجاوبوا رجاءا
مع العلم اني اوفر الطعام والبيض المسلوق لهن رجاءا جاوبوا على سؤالي
وعليكم السلام اخ شادي.
طبعا افادك الاخ الدكتور علي 77.
اخي طيورك لاتشكو من اي خلل لكن بعد التوالف ودخول البياضه هذه مراحل ودلالة توالف الزوج.
والتلقيح الي يحصل وتلاحظه هذا يدل على انهم اصبحوا زوج متوالف وجاهز للتفريخ وسيكون تلقيح فعلي للبيض بعد كم يوم وكما قال دكتور علي 77.
بعد اسبوع او 10 ايام ان شاء الله ستضع الانثى البيض

ابو مسلم
07-18-2012, 06:37 PM
سلام عليكم
اخي العزيز ابو نرجس قبل سبوع رأيت في البياضه ثلاثة بيضات المشكله ان الفحل ونثيه 24 ساعه داخل البياضه ولك شكر اخي العزيز .

مرتضى ابو نرجس
07-18-2012, 08:04 PM
ههههههه ابو مسلم يااخي بس اتركهم واحسبلهم 21 يوم وجيك البياضه .
بس اتركهم رحمه الوالديك

ابو مسلم
07-18-2012, 08:06 PM
سلام عليكم
اخي العزيز ابو نرجس افتح باب البياضه قليل حتى يطبلهن هوى .

مرتضى ابو نرجس
07-18-2012, 10:43 PM
لا يطيح البيض اذا عندك خشبه نفس قياسها تكدر تثقبها فد اربع ثقوب من الوسط علمود يداور الهوا

احمد علاء
07-21-2012, 04:36 AM
افادك الاخ ابو مسلم جزاه الله خيرا

احسان النقيب
07-22-2012, 03:44 AM
السلام عليكم .... اولا رمضان كريم

اخواني عندي سوالين :

1- ماهو الناتج المتوقع من تزاوج انثى بيرل مع ذكر رصاصي يلو فيس ؟

2- اكدر احصل على طيور لوتينيو من انثى بيرل ؟

وشكرااااااا

علي77
07-22-2012, 06:13 PM
السلام عليكم .... اولا رمضان كريم
رمضان كريم على الجميع
اخواني عندي سوالين :

1- ماهو الناتج المتوقع من تزاوج انثى بيرل مع ذكر رصاصي يلو فيس ؟
ذكور واناث رصاصية والذكور سبيلت بيرل
2- اكدر احصل على طيور لوتينيو من انثى بيرل ؟
الا اذا كانت لوتينو بيرل وفحاها لوتينو او سبيلت لوتينو
وبما انه النثية مبينة عندك بيرل فمعناها انها ليست لوتينو بيرل
فالجواب "لا يمكن"
هاي اذا ردت ذكور لوتينو
اما اذا اناث قيكفي ان يكون الذكر سبيلت لوتينو
وشكرااااااا


بالمناسبة ذكور الكوكتيل الرصاصية كلها اصفر الوجه فعند ذكر طير رصاصي يتبادر الى الذهن انها صفراء الوجه الا اذا دخل عليها طفرة الوجه الأبيض فنذكرها
فما كو داعي ذكر اصفر الوجه مثل البادجي الأخضر هو من كاعه اصفر الوجه فما كو داعي تذكر اصفر الوجه
تحياتي

FalconSniper
07-22-2012, 06:23 PM
وعليكم السلام أخي أحسان ... ورمضان كريم علينا وعليكم ... نسأل الله تقبل الطاعات ...

وأسمحلي أن أضع الجواب بين الأسئلة :



السلام عليكم .... اولا رمضان كريم

اخواني عندي سوالين :

1- ماهو الناتج المتوقع من تزاوج انثى بيرل مع ذكر رصاصي يلو فيس ؟
أذا أفترضنا أن الطيور لا تحمل صفات غير ظاهرة ( أي سبلت لأي صفة ) ... سيكون ناتج التزاوج المتوقع بأذن الله من تزاوج أنثى بيرل مع ذكر رصاصي ( كل أفراخ الجيل الأول رصاصية والذكور منها ستكون سبليت بيرل ) .... وبأعادة الذكور الناتجة على الأم ستكون هناك أحتمالية أنتاج 50% من البيرل ...



2- اكدر احصل على طيور لوتينيو من انثى بيرل ؟

وشكرااااااا
بالنسبة للحصول على طيور لوتينو من أنثى بيرل فيجب أن يكون الذكر لوتينو أو سبلت لوتينو (على أقل تقدير) لكي تحصل على أناث لوتينو ومن الجيل الاول ...




تحياتي وأتمنى أن يكون الجواب أفادك ...


أخوك أبو همام

FalconSniper
07-22-2012, 06:25 PM
بعد ظهور الرد السابق أتضح أن الدكتور علي قد أرسل الرد قبلي ... بارك الله فيه ...

ولكن لي ملاحظة بخصوص جوابه ... فيما يتعلق بشرط كون الانثى لوتينو بيرل لأنتاج أفراخ لوتينو ... فأقول أن أنه لايلزم ذلك ولن يؤثر في العملية برمتها وسيكون ممكنا أنتاج أناث لوتينو من ذكور رصاصي سبلت لوتينو ... بغض النظر عن الأناث المستخدمة في هذا التضريب ...


تحياتي

ابو مسلم
07-23-2012, 05:36 PM
السلام عليكم
ورمضان كريم على جميع العضاء والمشرفين والقائمين على المنتدى
اخي ابو نرجس لحضة البيض كلش صغير ماذا افعل ولك الشكر .




القائمين على المنتدى

مرتضى ابو نرجس
07-23-2012, 06:50 PM
تكدر تفحصه اذا ملقح اوكي ماكو اشكال واذا بعدها البيضه بس صفار يعني مملقح وابعدهن من الزوج

ibohool
07-24-2012, 02:48 PM
رمضان كريم لجميع الاخوة
الحمدالله بيضت انثى الكوكاتيل 3 بيضات فقط ( وهذا بفضل توجيهات الغالي علي 77 ومالحبيب مرتضى ابو نرجس )وهي حاضنتهم بالتناوب بين الذكر والانثى والتغذية مستمرة ومتنوعة السؤال بماذا تنصحوني وماهو ناتج تزاوج زوج الكوكاتيل لوتينيو لان ما اعرفهم قبل عنهم اي شىء .......... تقبلوا خالص الود والتقدير

مرتضى ابو نرجس
07-24-2012, 03:33 PM
اذا كانوا يحملون نفس الصفه متنحيه يعني ميحمل غير طفرات.
فاأكيد الناتج باذن الله لوتينو

احسان النقيب
07-24-2012, 04:11 PM
بالمناسبة ذكور الكوكتيل الرصاصية كلها اصفر الوجه فعند ذكر طير رصاصي يتبادر الى الذهن انها صفراء الوجه الا اذا دخل عليها طفرة الوجه الأبيض فنذكرها
فما كو داعي ذكر اصفر الوجه مثل البادجي الأخضر هو من كاعه اصفر الوجه فما كو داعي تذكر اصفر الوجه
تحياتي

عاشت ايدك دكتور ماقصرت بس علة كيفك بينة ترة بعدنة مبتدئين ومنكم نستفيد ياعمي الدكتور هع هع هع اني الي اعرفه اكو رصاصي وايت فيس ويلو فيس فلذلك ذكرت انه يلو فيس

وشكرا على المعلومة تحياتي

احسان النقيب
07-24-2012, 04:17 PM
وعليكم السلام أخي أحسان ... ورمضان كريم علينا وعليكم ... نسأل الله تقبل الطاعات ...

وأسمحلي أن أضع الجواب بين الأسئلة :






تحياتي وأتمنى أن يكون الجواب أفادك ...


أخوك أبو همام

تسلم اخوي ابو همام الله لايحرمنه منك وماقصرت انت ودكتور علي

اني جنت متأمل انه اكدر احصل على لوتينيو بس ياخسارى ضاع التعب هههههه

اخوي ابو همام اريد اخذ زوج ثاني بس اريد الوانه مختلفه حته احصل على طفرات حلوة لان اني هدفي من تربية الكوكتيل الجمال والمنظر مو التجارة فشنو الالوان الي تقترح اخذه ؟

و1000 شكرا مقدما تحياتي

علي77
07-24-2012, 07:44 PM
بعد ظهور الرد السابق أتضح أن الدكتور علي قد أرسل الرد قبلي ... بارك الله فيه ...

ولكن لي ملاحظة بخصوص جوابه ... فيما يتعلق بشرط كون الانثى لوتينو بيرل لأنتاج أفراخ لوتينو ... فأقول أن أنه لايلزم ذلك ولن يؤثر في العملية برمتها وسيكون ممكنا أنتاج أناث لوتينو من ذكور رصاصي سبلت لوتينو ... بغض النظر عن الأناث المستخدمة في هذا التضريب ...


تحياتي

تم التعديل انا بالي كان على الذكور كوني افكر انتجها هههههههههههههه من اناث لوتينو والفحل البيرل اللي عندي يله شطحه

علي77
07-24-2012, 07:48 PM
عاشت ايدك دكتور ماقصرت بس علة كيفك بينة ترة بعدنة مبتدئين ومنكم نستفيد ياعمي الدكتور هع هع هع اني الي اعرفه اكو رصاصي وايت فيس ويلو فيس فلذلك ذكرت انه يلو فيس

وشكرا على المعلومة تحياتي


اني هم على كيفي لأن جاوبتك وبعدين حطيت هاي الملاحظة
وعليه سأترك اجوبة استفساراتك مستقبلا لباقي الأخوة ابو نرجس وابو همام الله يبارك بيهم

مرتضى ابو نرجس
07-24-2012, 09:06 PM
هههههههه لا دكتور وهل يخفى القمر اذا انته وابو همام موجودين اني مااتكلم بعلم الوراثه فقط التربيه ومقوماتها

FalconSniper
07-25-2012, 10:29 PM
هههههههه لا دكتور وهل يخفى القمر اذا انته وابو همام موجودين اني مااتكلم بعلم الوراثه فقط التربيه ومقوماتها

لا بالعكس أخي أبو نرجس ... أنت مربي محترف ويشهد لك الكثير من الشباب في المنتدى ... وبالتأكيد غايتنا جميعا أيصال المعلومة الصحيحة للمربي وأعطائه الطريق الصحيح للنجاح والتربية السليمة ...

شكرا لجميع الجهود المبذولة من جميع الأخوان المشرفين والأداريين ...

jallal Geographic
07-30-2012, 02:14 AM
السلام عليكم
اني عندي طير كوكتيل اليف.صارله يومين يتصرف تصرفات مو عادية مثل الهستيريه بيه عبالك يعني ميكدر يوكف شويه اذا ما يحوص بمكانه يعني يرفع وينزل رجله باستمرار ويفتر بمكانه ماعرف شنو مشكلته؟عبالك صار مجنون؟
حته صرت من اتقربله ينهزم مني مو مثل قبل راسا يجيني.....ممكن اعرف المشكله؟
تحياتي

مرتضى ابو نرجس
07-30-2012, 04:09 AM
اخي العزيز اكو فترات يبتعد بيه المربيه عن طيوره الاليفه فتشوف الطائر يتكيف على هيجي اجواء ويكوم يضوج من واحد يلزمه.
واحتمال انه يكون بيه دورد(فاش) اي قمل يبقه يمص بدم الطائر فتشوفه من عضات القمل يصير عبالك مجنون تكدر تتفحص الطير تلزمه وتنفخ على جناحينه وركبته وبطنه اذا للحظت دود ابيض ناعم جدا جدا لازم تكافح هذا الشي بالادويه وماء السباحه للطير.
اتاكد واحنه موجودين .وان شاء الله خير

FalconSniper
07-30-2012, 04:19 AM
السلام عليكم
اني عندي طير كوكتيل اليف.صارله يومين يتصرف تصرفات مو عادية مثل الهستيريه بيه عبالك يعني ميكدر يوكف شويه اذا ما يحوص بمكانه يعني يرفع وينزل رجله باستمرار ويفتر بمكانه ماعرف شنو مشكلته؟عبالك صار مجنون؟
حته صرت من اتقربله ينهزم مني مو مثل قبل راسا يجيني.....ممكن اعرف المشكله؟
تحياتي

وعليكم السلام أخي الكريم ...

من خلال سؤالك ... لا أرى أن هناك مشكلة مع الطائر ... وكل ما هنالك أذا كان فرخا وبدأ بالنضوج التدريجي ستراه يتغير قليلا ويكثر من حركته ... مع العلم ان الكوكاتيل من الطيور النشطة والكثيرة الحركة ... بالنسبة لطيوري الأليفة فأنا أتركها طليقة في المنزل كي تستطيع أفراغ طاقتها من خلال الحركة والطيران الحر ...

أذا كانت علامات مميزة كتغير في لون أو شكل براز الطائر أو حركات ألتفاف في الرقبة أو دوران حول النفس فهذه قد تكون علامات مرضية خطيرة ... نرجو منك التوضيح كي نستطيع أفادتك بشكل أدق ...

jallal Geographic
07-30-2012, 01:24 PM
طبعا اني اشكرك اخوية ابو نرجس..بس عندي سؤال ثاني ...ردت اعرف اذا طلع بيه نمل شنو هاي الادويه ومنين احصلها ....اكون شاكر الك

jallal Geographic
07-30-2012, 01:29 PM
اشكرك على ردك عالسؤال ....بالنسبة للطير مو فرخ صغير ...جبير وحركته دورانه مو مثل مرض النيوكاسل مال دجاج..لا حركه بسيطه يعني مثل منكول يعني بالعراقي يحوص ودائما عبالك مخروع ومن اقل صوت يفز...طبعا الطير اليف واني طالقة بالبيت بس هاي الحالة صارت بين يوم وليلة كام ما يتقرب يمي الا الزمه قبل جان هو يجي هسه من امدله ايدي يبتعد ومادري شنو اللي صار


وعليكم السلام أخي الكريم ...

من خلال سؤالك ... لا أرى أن هناك مشكلة مع الطائر ... وكل ما هنالك أذا كان فرخا وبدأ بالنضوج التدريجي ستراه يتغير قليلا ويكثر من حركته ... مع العلم ان الكوكاتيل من الطيور النشطة والكثيرة الحركة ... بالنسبة لطيوري الأليفة فأنا أتركها طليقة في المنزل كي تستطيع أفراغ طاقتها من خلال الحركة والطيران الحر ...

أذا كانت علامات مميزة كتغير في لون أو شكل براز الطائر أو حركات ألتفاف في الرقبة أو دوران حول النفس فهذه قد تكون علامات مرضية خطيرة ... نرجو منك التوضيح كي نستطيع أفادتك بشكل أدق ...

مرتضى ابو نرجس
07-30-2012, 03:53 PM
اخي موجود ادويه زيتيه للقمل عند اي بيطري

ابو مسلم
07-30-2012, 07:46 PM
السلام عليكم
اخي العزيز ابو نرجس لبارحه بليل فتحت البياضه شفت فرخ طالع من البيضه وصبح حطيتلهن خبز منكوع شتنصحني شحطلهن بعد ولك الشكر .

مرتضى ابو نرجس
07-30-2012, 08:50 PM
مبروك على التفريخ الناجح ..ارفع الخبز وخليلهم بيض سلك لمدة 5 ايام .
وبعدين تنوع بالاكل خضروات واذره وبيض سلك وحنطه مستنبته وخبز وفواكه ..والخبز الي تخليه مو منقوع لا هيجي قطعه مال خبز

ابو مسلم
07-30-2012, 11:28 PM
السلام عليكم

اخي العزيز ابو نرجس هاذا كل بفضلك وبلمعلومات كانت اول بأول وباسرع من البرق اشكرك لسعة صدرك .

مرتضى ابو نرجس
07-31-2012, 12:42 AM
العفو ابو مسلم الفضل لله وحده واحنه بخدمتكم

jallal Geographic
07-31-2012, 02:12 AM
اخي موجود ادويه زيتيه للقمل عند اي بيطري

الف شكر اخويه ابو نرجس عالمعلومات القيمة ومساعدتكم بالرد .....منا ورايح كل شغله تصير ويايه اسألكم تحملونه يعني
تحياتي الكم وللموقع الجميل

ibohool
07-31-2012, 03:34 PM
بعد ان فقدت الانثى ذكرها اكملت 18 يوما من رقادها على البيض واخذت تخرج كثيرا من البياضة وتتناول كثيرا من الاكل واصبحت قليلة الرقاد جدا وتصرج بصوت عالي السؤال هل هذا امر طبيعي ام انه مؤشر لشىء ما .............مودتي وتقديري للجميع

علي77
07-31-2012, 03:57 PM
اهلا اخي ابو علي
يخلف الله عليك خير مما فقدت
اذا اكملت الأنثى 18 يوم تفحص البيض اذا كان مخصب والأفراخ حية انتظر كم يوم على امل التفقيس
واذا لا فالأنثى قد هجرت البيض لفساده
اترك الأنثى لوحدها وارفع البيت واشتري ذكر اخر ولا تدخله عليها قبل منتصف الثامن
بالتوفيق

ibohool
07-31-2012, 10:09 PM
ممنون تقبل وافر الشكر والتقدير بصراحة رغم الخسارة بس كلماتك مشجعة
دكتور علي
احتراماتي

ابو مسلم
08-01-2012, 11:04 PM
السلام عليكم
اخي العزيز ابو نرجس
صار واحد وعشرين يوم طلع فرخ واحد ضلن بيضتين اذبهن لو انتضر ولك الشكر .. لاتنسانا ...؟

يلوناب بيور
08-01-2012, 11:04 PM
بارك الله فيك...... موضوع رائع ومجهود متميز

ابو مسلم
08-05-2012, 08:04 PM
السلام عليكم
اخي العزيز ابو نرجس اكدر اخلي للبياضه نشاره ناعمه مالكيت خشنة بالمنطقه ولك الشكر .

مرتضى ابو نرجس
08-05-2012, 09:04 PM
اي عادي ابو مسلم لكن مقدار جف او جف ونص

AhMeD GlOsTeR
08-10-2012, 02:14 PM
السلام عليكم اخوية....بس عندي سؤال لحضرتك وهو شكد حجم اصغر قفص او انسب حجم للقفص للكوكتيل للتربية الفردية يعني اريد اعزل كل زوج وحده اريد انسب او اصغر حجم للقفص بس كون يشتغلن بي اخوية واتمنى لو يكون الجواب عن تجربة...مع خالص تحياتي

مرتضى ابو نرجس
08-10-2012, 10:14 PM
طبعا التربيه الفرديه تكون افضل يعني اذا شايف الخانات مالت طيور الزينه....
واني حاليا عندي 8 خانات وكل خانه بيها زوج وابعاده الطول 80سم والعرض 50سم والارتفاع40سم...
والظهر تكدر تثبت عليه سيم بقلاه وتشكل البياضه تشكيل..
وبين خانه وخانه تخلي سيم بقلاوه قوي وتثبت مجاثم اما اغصان او عصه مال ماسحه وتثبتها بالكابسه..
واحسن شي التربيه الفرديه

AhMeD GlOsTeR
08-11-2012, 02:42 AM
ممكن تاخذ صور الهن وتنزلهن على هذا الموضوع واكون ممنون منك اخوية العزيز
...........
.......
...
..
.

AhMeD GlOsTeR
08-11-2012, 02:43 AM
مو شوية النزال مال القفص كصيف يعني شلون الطير يطير او ياخذ راحتة

مرتضى ابو نرجس
08-11-2012, 03:31 AM
احمد بهيجي حاله الطير ميطير بلقفص فقط يبقه يرفرف بجناحينه وهو واقف ويتحرك منا ومنا...
واني ابالي انزل صوره الك لكن اللاب توب لهسه بالتصليح ومن يجيني اوعدك ان شاء الله انزلك صوره

AhMeD GlOsTeR
08-11-2012, 02:46 PM
مشكور حبي وماقصرت بس بالنسبة للافراخ اذا يكبرن بهيج قفص ميجتفن؟؟؟

مرتضى ابو نرجس
08-11-2012, 03:46 PM
احمد اذاتصير عندك افراخ واول مايبدءآ يعتمدن على نفسهم تعزلهم من الابويين لوحدهم

ahmed ali
08-11-2012, 11:16 PM
السلام عليكم
شلونكم شباب اني جديد عليكم واتمنه المساعدة العاجلة
كوكتيل يعاني من الضعف الشديد ,,, لا ياكل ولا يشرب
شنو العلاج المناسب وقتيآ قبل الايموت
شكرآ للجميع

مرتضى ابو نرجس
08-12-2012, 03:57 AM
اهلا وسهلا بيك اخ احمد الافضل انك تاخذ صورتين او اكثر للطائر مالتك وتشرح الحاله بالتفصيل مع وصف الضعف.
واذا كان هنالك اسهال او عيون الطائر تدمع يعني اي حاله غريبه تشرحها وتكتب موضوعك بالعياده البيطريه للمنتدى..
وراح يجاوبك على السؤال الاطباء مع وصف العلاج وان شاء الله يتحسن الطائر..

ahmed ali
08-12-2012, 12:53 PM
شكرآ لحضرتك اخي العزيز مرتضى لكن وضعت السؤال هنا بسبب عدم تواجد الدكتورة
وراح اخلي الموضوع وننتظر الدكتورة العزيزة
الله يبارك بيكم جميعآ ,, شكرآ مره اخرى

jallal Geographic
08-13-2012, 04:39 PM
السلام عليكم اخوان
اريد اسأل اكو مشكله اذا ارش عالكوكتيل مي علمود الحر يعني اوأبخخ عليه مي ...يعني ياثر هالشي على صحته لو ينعشه ؟

مرتضى ابو نرجس
08-13-2012, 07:22 PM
بالعكس هذا ينعشه لكن اولا على كيفك وخليه يحس بالامان وطبعا هاي اذا كان بره البيت مو بداخله واكو مكيف او مبرده .....
وللعلم لازم تسبح الطيور جميعها مو بس الكوكتيل لان يصير بيها قمل اذا ماتسبح

jallal Geographic
08-14-2012, 02:27 AM
بالعكس هذا ينعشه لكن اولا على كيفك وخليه يحس بالامان وطبعا هاي اذا كان بره البيت مو بداخله واكو مكيف او مبرده .....
وللعلم لازم تسبح الطيور جميعها مو بس الكوكتيل لان يصير بيها قمل اذا ماتسبح

شكرا جزيلا ابو نرجس على سعة صدرك بالرد...والله لوما انتو جان دخنه بهاي السوالف...تحياتي

jallal Geographic
08-18-2012, 03:33 AM
طبعا اني كل فتره يطلعلي سؤال صفح هههههههه.....بس ردت اسال اخوية ابو نرجس عندي الكوكتيل مفتوح بالبيت وكل ما يصير الفطور هو هم ينزل ويانه عالاكل وياكل تمن او يختار الشعرية من الاكل وياكلها هذا الحجي كل يوم...هذا الشي يأثر عليه؟

مرتضى ابو نرجس
08-18-2012, 03:03 PM
اهلا اخي جلال احنه بخدمتكم...
والاكل لايؤثر عادي وهو هذا الشيء الحلو بالكوكتيل اي شي ياكل

jallal Geographic
08-18-2012, 04:40 PM
اهلا اخي جلال احنه بخدمتكم...
والاكل لايؤثر عادي وهو هذا الشيء الحلو بالكوكتيل اي شي ياكل

خادم ربك اخويه العزير....ممنون منك

jallal Geographic
08-25-2012, 08:19 PM
سؤال اخوان....اشتريت انثى كوكتيل بدال اللي ماتت...الطير الذكر اللي عندي دائما يشلع بريشاتها من جهة الذيل..كل متوصل يمه ينزل يم ذيلها ويشلعله ريشه... ومن توصل يمه مرات ينكرها..اريد اعرف ممكن تصير بيناتهم الفه يعني ويتزاوجن...طبعا اني محابسهن بالقفص....تحياتي

AhMeD GlOsTeR
08-29-2012, 11:52 AM
شونك خوية ابو نرجس....شخبار الصور مال القفاصة لسة اللابتوب بالتصليح هههههههههههههههههههههههه يمعود اريد اسوي قفاصة ومنتظرك طول هاي الفترة.....صدك عندي سؤال اذا زوج كوكتيل متعود يبيض بجذع اكدر احطلهن بقالة لو ميطبن بيها

مرتضى ابو نرجس
08-29-2012, 03:08 PM
دزيتلك رساله عالخاص ...
وخلي بياضه وهو يدخل بس خلي نشارة خشب مو تنسه.

ابو مسلم
08-29-2012, 09:00 PM
السلام عليكم
اخي العزيز ابو نرجس الفرخ الي ازقه بيدي راح يصير عمره شهر يكدر ياكل وحدة وشلون اعلمة ولك الشكر .

مرتضى ابو نرجس
08-29-2012, 09:48 PM
ابو مسلم بعد يرادله اسبوعين وثكله كص بين ريشه وريشه لان يبدي يطير وميعرف يرجع

ابو مسلم
08-29-2012, 10:18 PM
اخي ابو نرجس صحيح كام يطير حتا البنكه طفيناها جبتله قفص زغير وذبيت الكارتونه نشاء الله ادزلك الصورته
الخاص ملتك امقبط .....لاتنساني ....

AhMeD GlOsTeR
08-30-2012, 07:32 PM
مرحباً اخوية ابو نرجس شونك....اذا يتغير مكان الكوكتيل شكد يرادلهن ويستقرن ويتعودن ع المكان حتى يتكاثرن

مرتضى ابو نرجس
09-02-2012, 09:25 PM
حسب جاهزية الزوج يعني ساعه او يوم او اسبوع او شهر

jallal Geographic
09-13-2012, 02:40 AM
السلام عليكم
الكوكتيل اللي عندي جبتله انثى ..وصارلهم 6 ايام يتعاركون بيناتهم ماعرف شنو المشكله...اريد اعرف يعني مثل هيج مجانين ممكن يتزاوجون يعني...والبيت اله علاقه بسرعه الالفة والتزاوج لان اني مخليهم بلا بيت لحد الان....يعني يجوز اذا اخلي بيت تتغير الامور؟؟ مع الشــكر

مرتضى ابو نرجس
09-13-2012, 03:18 AM
جلال اذا كنت متاكد منها نثيه عادي تصير بعض المناوشات تصير بارقى العوائل مشاكل عائليه هههههههههههه وبعدين حطها البياضه وهمه فد اسبوع كلشي يصفه الوحده .

FalconSniper
09-13-2012, 03:19 AM
أخونا جلال ...

بعض المناوشات بين الذكر والأنثى في الكوكاتيل هي أمر عادي جدا مادامها لا تصل ألى درجة الجروح ... وهذه عادة تسمى فرض السيطرة ... والأفضل تركهم بدون عش لحين التوالف (يعني لا تستعجل التفريخ وأتركهم لبعض الوقت .. ولكن أذا رأيت الأنثى رضخت للذكر وقام بتلقيحها فعلق البياضة وتوكل على الله ...

jallal Geographic
09-13-2012, 05:12 PM
اشكركم اخوان عالردود ...والله ربولي عله شوكت يبيضن ويفرخن عاد

http://alghzil.com/up/uploads/alghzil13475419101.jpg (http://alghzil.com/up/)

http://alghzil.com/up/uploads/alghzil13475419102.jpg (http://alghzil.com/up/)

حنين العراقية الجبورية
09-15-2012, 12:18 PM
رجاءا كيف يتم ترويض الكوكتيل الغير اليف.............وهل اكو امل ان يكون اليف .....واشكد يطول ؟؟؟؟؟؟؟حتى يصير اليف وهل استطيع ان لا اقص جناحة بل اربطة بالتيب ؟هل الافضل ان ابيعهن واشتري واحد اليف ؟وكم سعر الاليف واين استطيع ان اجدة ؟؟؟؟؟؟في سوق الغزل عند اي محل
ارررررررررررجو الاجابةةةةةةةةةةةةةةةةةةةةةةةةةةةةةةةةةةةةةة
لان حاستهن ما بيهن امل

مرتضى ابو نرجس
09-15-2012, 01:06 PM
هههههههههه اختي العزيزه اول مرحله هي الصبر وطولت الخلك.
وثانيا الكوكتيل الكبير يصير اليف اولا يعزل كل على حده لتسهيل المهمه لان اثنينهم مع بعضهم تكون مرحله صعبه جدا وشاقه وانتي مبين عليج ماعندك خلك وصبر الهم.بعد ماعزلتيهم تكدرين تقصين الجناح او اتيبنه بتيب وتعزلي بقفص وتخليلهم فقط ماء بدون اكل لمدة وجبه او وجبتين وبعدين تبدين تقدمين الطعام من ايدك الهم وهو بعد كم محاوله راح يستقبل ايدك ويبدأ يتعلم وبعدها تحاولين تخلي يصعد على اليد وهكذا مره بعد مره ومحاوله بعد محاوله واهم شي الصبر .اما اذا تحبين اتبيعهم وتاخذين تك واحد اليف او زوج وهاي طبعا نادر بانك تلكين باسواقنه زوج اليف للبيع...اني قبل فتره بعت فحل مغرد لوتينو اصفر عيون حمر وبرجله حجل ومن انتاجي ب150 الف .......

علي لفته
09-15-2012, 10:20 PM
السلام عليكم اخواني الاعزاء عندصديقي انثى كوكتيل تبيض خارج البياضة وجرب عدة طرق ومفاد وهاي ثالث بيضة اذبه بالخارج وللمعلومات تربية فردية واتمنى جاوبوني وبسرعة وشكرا

علي لفته
09-15-2012, 10:49 PM
السلام عليكم مرة ثانية اخواني هذه المرة السوال يخصني ذكر وايت فيس وانثى ايزابيل وايت فيس شنو ناتج الانتاج واني ممنون منكم ياغالين

مرتضى ابو نرجس
09-15-2012, 11:12 PM
اخ علي هاي النثيه عديمة الخبره واحتمال اول مره تبيض ومتعرف ...او صديقك ماحاط نشاره خشبيه او البياضه بيها فاش ناعم وميبين اولا يفحص البياضه ويغسلها بمي حار وديتول وشويه نفط يخبطهم ويغسل البياضه ويعرضها للشمس يوم كامل وثاني يوم يحط النشاره ويثبتها ........
اما بخصوص سؤالك الثاني اذا كان الفحل سبليت وايت فيس وميحمل اي طفرات جينيه والانثى وايت فيس بيرل ايزابيل ..ان شاء الله يكون الناتج اكثر الذكور سبليت وايت فيس....
وننتظر دكتور علي 77 وابو همام ..

havens75
09-16-2012, 12:15 AM
السلام عليكم الاخوة في الموقع المحترم .لدي سؤال كم زوج كوكتيل يمكن ان يربى في قفص الطول 1 متر العرض 80 سم العمق 60 سم.

مرتضى ابو نرجس
09-16-2012, 12:22 AM
زوجين لا اكثر مع وضع البياضه داخليا

FalconSniper
09-16-2012, 01:58 AM
السلام عليكم مرة ثانية اخواني هذه المرة السوال يخصني ذكر وايت فيس وانثى ايزابيل وايت فيس شنو ناتج الانتاج واني ممنون منكم ياغالين



وعليكم السلام ورحمة الله وبركاته ...


أخونا علي ... أذا كنت تقصد أن الذكر رصاصي وايت فيس والأنثى بيرل (أيزابيل) وايت فيس .... وعلى فرض عدم وجود طفرات أخرى محمولة ..

سيكون الناتج بأذن الله كالتالي :

كل الأفراخ رصاصية وايت فيس (ذكور وأناث) ولكن الذكور منها ستكون سبلت بيرل (أيزابيل) ... وظهور أي لون آخر أو طفرة أخرى في الأنتاج معناه أن الأباء يحملون صفات أخرى غير ظاهرة عليهم ...

تحياتي ... وبالتوفيق في الأنتاج ...

havens75
09-16-2012, 03:03 PM
شكرا ابو نرجس اخوية على الرد

علي لفته
09-16-2012, 03:08 PM
​مشكور اخوي ابو همام الغالي

ابو مسلم
09-16-2012, 06:39 PM
اخي العزيز ابو نرجس اليوم جابولي فحل ولكن عندما وضعته في القفص فلت من ايدي ونهلس ذيله ماذا افعل ولك جزيل الشكر .

مرتضى ابو نرجس
09-16-2012, 06:52 PM
هههههههه عبالي طار يمعود ماعليه شي هو يطلع لوحده

ابو مسلم
09-16-2012, 08:04 PM
​اشكرك اخي العزيز على الرد ونشاء الله ادزلك الصور حتى تقيمه .

ولد البصرة
09-18-2012, 09:06 PM
السلام عليكم ورحمة الله وبركاته
شباب.... زوج الكوكتيل خالهن بقفص من هذا الجاهز اللي قياساته 70*60*40 وعندي صديق نجار وصيته يسويلي قفص مرتب واتاخر علي فاشتغلتلي بياضة بايدي بالبيت وعلقتها على القفص من 6 ايام تقريبا ومباشرةً من اليوم الاول دخل الفحل للبيت والنثية وراه وثاني يوم بدأ التزاوج وعلكت لاخوة موزة وهسة اشك ان النثية بيضت لان نايمة بالبيت ومتطلع ونافشة ريشها عبالك جواها بيضة والقفص الجديد احتمال اليوم او بكرا يكمل فشنوتنصحوني اذا وصل القفص الجديد انقل الزوج فيه واغير البياضة بالبياضة الجديدة لو اترك الزوج في القفص القديم لحد ماينتهي اول موسم تفريخ على الاقل
بانتظار اجابتكم اعزائي وممنون منكم مقدما

مرتضى ابو نرجس
09-18-2012, 09:14 PM
لا حجي لاتنقلهم لحد مايطلعن الافراخ ويكبرن وبعد مايعتمدن على نفسهم ياله .ماعليهم شي بهذا القفص ..

حنين العراقية الجبورية
09-18-2012, 10:03 PM
رجاءا هل الكوكتيل يجب ان يسبح حتى لا يصير بية دود؟وكيف يتم تسبيحة علما ان الزوج العندي غير اليفات ؟وهل الذكر الي عرفة معقوف مثل علامة الاستفهام او الي عرفة منفوش علما الي عرفة معقوف البرتقالية مالتة مو طوخ وذيلة قصير ولونة رصاصي اكثر من الصفار؟وبية حجل ابرجلة اشيعني رجاءا ؟وهسة بدة يدخل ويخرج بالبيت هوة وحدة الثانية ما تدخل فماذا يعني هل سوف ايبيضن ؟واذا اريد اروضهن هل ممكن استبدال قص الجناح .بالصق بالتيب (اي اعمل على شكلهن كما في الحمام).وهل الترويض يتم واحد واحد او اثنيناتهن ؟واذا اريدهن يبيضن بيضة تفقص (مخصبة اكيددددددددددد)ماذا اعطيهن للتاكيد.....اعرف اسئلتي كثيرة لكنكم الوحيدين الذين اثق برئيكم .ارجو الاجابة على كل الاسئلة لطفا ......وياريت باقرب وقت ..وشكرا على هذا الموقع المفيد

حنين العراقية الجبورية
09-18-2012, 10:18 PM
هل الموز الة دخلة بالتبيض ؟؟؟؟؟حسب سوئال الاخ من البصرة وقفصي ارتفاعة 40 وعرضة 60 هل ممكن ايبيضن بية ؟؟؟؟؟؟

مرتضى ابو نرجس
09-18-2012, 11:16 PM
اختي العزيزه يراد ساعه ياله نكمل الاسئله زين ماكو ترك سؤال ههههههههه ..
طبعا نص الاسئله جاوبتك عليها سابقا اذا لاحظتي الردود .هسه نجي للسؤال الاول .
لازم يسبح الطير تجنبا للقمل وهي بوضع اناء داخل القفص او ترشيهم ابخاخ لحد الريش مايتبلل كاملا .
ثانيا .ارجو وضع صوره للزوج لتحديد الجنس.
ثالثا بخصوص التدريب .كل واحد وحده وعادي تكدرين تلصقين الجناح بالتيب.
ورابعا حجم القفص جيد لزوج واحد مع مراعاة وضع البياضه من الخارج تقصين سيمين او اكثر وتثبتين البياضه ابراغي ...
وخامسا للتفريخ الناجح اهم شي تثبتين المجاثم للوقوف وان يكون من الخشب .مع الاكل الجيد والبيض المسلوك والجرجير او هرمون التخصيب e .
واذا نسينه سؤال نرجو المعذره

ولد البصرة
09-18-2012, 11:25 PM
ممنون منك عيوني ابونرجس وبارك الله بيك .. زين لو فرضنا النثية لسه مابيضت بهالحالة ممكن انقلهم واخلي بياضة جديدة لان مكان القفص كلش ماعاجبني

مرتضى ابو نرجس
09-18-2012, 11:32 PM
اذى مابيضت. حجي انقلها بسرعه لان على ساعه وتبيض

ابو مسلم
09-20-2012, 11:30 PM
اخي العزيز ابو نرجس ارجو تتقيم هاذ الطير هل هو فحل جاهز وشكد يسوه مع الشكر والتقدير
http://alghzil.com/up/uploads/alghzil13481690371.jpg (http://alghzil.com/up/)

مرتضى ابو نرجس
09-21-2012, 01:05 AM
ولو الصوره غير واضحه لازم تاخذ كم صوره والذيل ايضا مموجود لكن هذا فحل وعمره تقريبا 12 شهر والسعر من 70_80 الف دينار وبالتوفيق ان شاء الله

أبو وديع
09-21-2012, 01:37 PM
اعزائي المشرفين

انا عندي زوج كوكتيل لم انتج منه بعد كنت مربيه وية البادجيات بقفص كبير وكان متوالف على المكان وحتى بيضوا ولكن البيض ما طلع بسبب الحر.

المهم حظرت غرفة في الطابق الثاني وطيرت بيها الكوكتيلا والبادجيات سوى ومن ناحية التفاهم كلشي تمام ماكو مشاكل

لكن من اطلقت الكوكتيلات بالغرفة كضوها صفنات ولا تزاوج ولا حتى معبرين البياضة ولا مرة راحولها بالرغم من انهم كانوا يدخلون البياضة اول ما كنت اخليها بالقفص سابقا.

المهم مر اكثر من شهر وماكو شي

من يومين قررت ارجعهم للقفص الي كانوا متوالفين عليه.

ورجعتهم وخليتلهم البياضة

ولكنهم مرعوبين وبس يريديون يطلعون

ومر يومين ما دخلوا بمعدتهم ولا حبة دخن وحدة مضربين على الطعام

فاليوم الصبح طلعت القفص لخارج الغرفة كلت حتى لا يشوفون البادجيات ويريدون يطلعون

وهم ماكو اي شهية للطعام ودا احسهم ضعفوا .

شنو الحل ؟ هل هي فترة مؤقتة ؟ وهل يمرضون اذا استمروا على هذا الحال ليباجر مثلا

جدا ضوجوني.

مرتضى ابو نرجس
09-21-2012, 04:06 PM
ابو وديع مو زين مانتحروا ههههههه اذا انته كالساع مسويلهم نقله شكل حبي حاليا تتركم بالقفص الصغير السابق وحدهم بدون اي طيور اخرى والبياضه موجوده وتخليلهم بيض مسلوق وفيتامينات بالماء علمود يسد النقص الحصل بسبب تركهم للاكل وهمه فترة يومين او ثلاثة ايام يرجعون لطبيعتهم وبالوقت الحالي انطيهم جرجير او الطير القوي لمدة 4 ايام وان شاء الله خير.

AhMeD GlOsTeR
09-21-2012, 05:17 PM
حبي ابونرجس شنو هي الجرعة من الملتي فيتامين الي انطيها للكوكتيل وشكد الفترة كم يوم ؟؟؟؟؟وعندي كوكتيل ابيض انكليزي صارلة هواي عندي بس صافن حتى مااشوفهن واحد يم الثاني يعني يتلاعبن ولا اي شي شنو سالفتهن؟؟؟؟تحياتي الك ابو نرجس الغالي

مرتضى ابو نرجس
09-21-2012, 05:37 PM
اهلا حمودي اشلونك .
اذا تكدر تصورهن علمود نكدر نتاكد منهم نثيه وفحل اما الفيتامين فهو عباره عن حبوب تذوب بالماء الفاتر واسمه فيتوبليكس ويجي بعلبه بيضاء بحجم قطرة العين وبيه 20 حبه

AhMeD GlOsTeR
09-21-2012, 06:56 PM
انشالله باجر انزل الصور حبي وبالنسبة للفيتامين اني عندي هاي العلبة الجبيرة الطوز انطي منها للكناري ملعقة شاي باللتر بس للكوكتيل اريد اعرف شكد الجرعة...

مرتضى ابو نرجس
09-21-2012, 07:02 PM
والله ياحمودي اني مامجرب الفيتامين الطوز ومااعرف شكد الكميه لان استعمل هذا الي كتلك عليه وهو جيد جيدا للطيور

علي لفته
09-22-2012, 12:52 AM
السلام عليكم اخوي العزيز ابو نرجس ممكن اعطاء الطائر القوي للاناث الي هن مع الذكور يعني انطيهن سوه ماكو اشكال لوبس للذكور وشكرا اخوي ا

مرتضى ابو نرجس
09-22-2012, 06:06 AM
اي تكدر تنطيه للاناث والذكور نفس الشي لكن استخدامه حسب التعليمات الي موجوده داخل العلبه

ابن المستنصرية
09-22-2012, 09:15 PM
اخونه المشرف ماعلاج اذا كان الذكر الكوكتيل مايعرف اريد لان هل الموضوع دوخنه والله وصار اكثر من اربعة اشهر ناصبيه على الولد هل السبب يعود لان كان في فتره عمره شهرين كان اليف ولحد هل اللحضه مايخاف من اليد البشريه من اطعمه
لان موضوع اكيد مار عليك من خلال الاخ انور لان موضوع الحديث دائمأ عن الكوكتيل وشكري لك

مرتضى ابو نرجس
09-22-2012, 10:51 PM
اهلا اخي العزيز اني عرفتك من طرف انور الناصري اول ماتكلمت على الموضوع.
عيني هذا السبب يعود لكونه اليف فلازم تخلي ويه كوكتيلات متوحشه وتخليله انثى ايضا متوحشه يعني ياخذ من تصرفاتهم لحد مايتعلم وبعدين تكدر تعزله منهم بقفص لوحده اذا تريده يبقى اليف وهو بهالحاله راح يعرف يزوج ....

حنين العراقية الجبورية
09-23-2012, 12:06 AM
رجاءا حابة اسئل مرة ثالثة ؟؟؟؟؟؟؟؟عن الاسئلة الي مجاوبتولي عليهن وانشالة تجاوبوني .......هل مرة....عندي طائر كوكتيل يوجد في قدمة حجل ماذا يعني ؟وهل طائر رصاصي المضهر وذيلة قصير وعرفة معقوف وطويلوخدودة البرتقالي فاتح فهل هوة الذكر ؟؟؟وهل فترة يطب ويطلع على البياضة ؟والطائر الثاني ميطب ؟فماذا يعني ذلك؟هل سوف يبيضن؟علما اني مشتريتهن عن قريب ولم يلقحها الفحل عند شرائها ولا مرة فهل يمكن ان تكون البيوض من الاول في داخلها ؟وطائر الكوكتيل الا يحتاج الى عش يجمعة ؟وان كان كذالك فماذا اوفر لهم نشارة خشب او سعف ؟علما ان الطائر الثاني عرفة منفوش والبرتقالي فية غامق فهل هي الانثى ؟وان كانت الانثى فلماذا لا تدخل البياضة فقط الفحل ؟ واذا كنت رايتدهم ان يفرخو فهل اعطيهم هرمون الطائر القوي او فيتامين e؟؟؟؟؟؟؟؟؟مثلما قراءة في موقعكم ؟لو هن قريب تبيضهم من خلال تصرفهم فالفحل يطب ويطلع للبياضة ؟؟؟؟؟؟؟واليكم الجواب ..........ارجو الاجابة عن كل التسائلات ............لاني اخر مرة سوف اسئلها لاني لا ارى ردود ...........واسفة على الازعاج

حنين العراقية الجبورية
09-23-2012, 12:10 AM
اااااالسسسسسسسسسسسسسسسسسسسسسسسسلاممممممممممممممم

FalconSniper
09-23-2012, 02:28 AM
أختنا حنين ... أعتقد إن الأخوان لم يروا السؤال سابقا ...

وعلى كل حال ... كل أسئلتك سهلة وسنجاوبها بدون ترك ... ولكن لو تكرمتي برفع صور واضحة للزوج ومكان التربية والعش وسأجيبك بالتفصيل الممل ... بعد التأكد من إن الزوج ذكر وأنثى جاهزين للتزاوج ...

لك منا كل الود ...

ابن المستنصرية
09-25-2012, 12:45 PM
اهلا اخي العزيز اني عرفتك من طرف انور الناصري اول ماتكلمت على الموضوع.
عيني هذا السبب يعود لكونه اليف فلازم تخلي ويه كوكتيلات متوحشه وتخليله انثى ايضا متوحشه يعني ياخذ من تصرفاتهم لحد مايتعلم وبعدين تكدر تعزله منهم بقفص لوحده اذا تريده يبقى اليف وهو بهالحاله راح يعرف يزوج ....
ممنون منك ابو نرجس
تقبل شكري

AhMeD GlOsTeR
09-25-2012, 03:41 PM
هذني الصور الي كتلك عليهن حبي ابو نرجس الي ع اليمين الذكر واليسار الانثى تكدر تكلي شبيهن خاف كبار او صغار بالعمر ولو داازحمك وياي http://alghzil.com/up/uploads/alghzil13485730061.jpg (http://alghzil.com/up/) http://alghzil.com/up/uploads/alghzil13485730062.jpg (http://alghzil.com/up/)

مرتضى ابو نرجس
09-25-2012, 05:02 PM
اللهم صل على محمد وال محمد .
ماشاء الله حمودي طيور جميله ونوع البينو .ووصفك للطيور صحيح الي على اليمين ذكر وعلى اليسار انثى.
بس هذا الجذع شنو يعني البياضه مالتهم حبي اذا تكدر خليلهم بياضه افقيه موجوده بالسوق وشبيهم اعمارهم جيده جدا بس اذا انته مخلي جذع مال نخله قابل هنه ببغاء الدره ياحمودي ياعيني

AhMeD GlOsTeR
09-25-2012, 07:09 PM
شكراً حبي ابو نرجس وهاي عيونك الحلوات....بس بالنسبة للجذع هنة متعودات ايبيضن بجذع من اخذتهن من ولد صديقي طببنب شوفني القفص مالته كلة جذوع ماعنده ولا بقالة وحطيتلهن بالبداية بقالة ماقبلن يطبن كلي متعودات ايبيضن الة بجذع ف اخذت هذا الجذع من عنده هو جان يستعملة بس هم بعدهن ميقبلن ايطبن شنو السبب اكدر اعرف انطيهن منشطات لو ماكو داعي؟؟؟؟؟

jallal Geographic
09-25-2012, 07:50 PM
هاي الجماعة كلها تعاني من شغلة الفحل على كًولة المصريين(مابيعرفش) عبالي بس آني عندي هالمشكلة...اخوان اذا اكو هرموون لو مقوي كًولولي ..اريدهن يزاوجن ويبيضن ...الحكًولنه يا جماعة من لسنتين لو تلاثة ولا كوكتيل راح يبقى ههههههههههههه

مرتضى ابو نرجس
09-25-2012, 08:33 PM
جلال
يوجد بسوك الغزل هرمون اسمه الطير القوي واذا تريد انطيه فد اسبوع مستمر الفحل جرجير واذا تحب تعزله لمدة اسبوع او 10 ايام وتستمر باعطاءه هذا الهرمون لمدة 4 ايام متتاليه وال6 الباقيه تنطيه جرجير وبعدين دخله عالنثيه وهو يعرف الباقي لان هذا يحفز الجهاز الجنسي للطيور ..الهرمون والجرجير

حنين العراقية الجبورية
09-27-2012, 06:40 PM
السلام عليكم ............
حابة اسئل عن وضعيت طائري الكوكتيل الانثى ..اصبحت بالفترة الاخيرة خاملة جدا صحيح انها تاكل لكن ليس لها اي فعاليات حتى من ياءتي عليها الذكر تضع راسها في جنحها اغلب الوقت .او تكون خاملة جدا .علما ان الذكر نشيط ويدخل ويخرج من البياضة بنشاط....اخشى ان تكون مريضة وتعدي الذكر .....علما انها لم تكن بهذا الخمول من قبل .ويوجد ضرك ابيض مائل للاصفرار في ذيلها وخروجها ابيض مائل للاصفرار ارجو (http://alghzil.com/vb/showthread.php?t=6696) اجابتي عن السؤال وماذا افعل لاستعادة نشاطها
ارجو الرد (http://alghzil.com/vb/showthread.php?t=6696) السريع (http://alghzil.com/vb/showthread.php?t=6696) ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

شامل الأركوازي
09-27-2012, 10:04 PM
أختي العزيز اذا ما اكون متوهم فهذا هو علامات وضع البيض ولكن ننتظر التأكيد من الاخوة المشرفين....

مرتضى ابو نرجس
09-27-2012, 10:33 PM
لا عفوا اخ شامل هذه ليست علامات وضع البيض.
هذا مرض تنفسي لان هالشهر هذا والعاشر لازم واحد يتابع طيوره خلال هالفتره بسبب تقلبات درجات الحراره..
اختي العزيزه اولا تعزل الطيور بمكان ليست فيه تيارات هوائيه ثانيا يعطى مضادات حيويه بالماء لمدة 5 ايام تاخذ من البيطري واذا لم تجدي فعليك بكبسول التهابات ابو ال250 اي كبسول التهاب يخبط بلتر 1 من الماء جيدا وثاني يوم يبدل وكذلك لمدة 5 ايام مع عدم اعطاء الطيور اي خضروات او بيض مسلوق وبعد ان يتحسن الطير وتلاحظين برازهم تحسن تعطيهم فيتامينات ايضا مذابه بالماء لتعويض النقص الحصل بسبب الاسهال وبعد فترة اسبوع واحد من الفيتامين تعطيهم بيض مسلوق

ابو مسلم
09-27-2012, 11:14 PM
اخي العزيز ابو نرجس هذا الفحل بس الصبح يتحرك ويرفع جناحه بس ميغرد ولك جزيل الشكر .

مرتضى ابو نرجس
09-27-2012, 11:18 PM
يجوز اخرس هههههههههه لا ابو مسلم هو الوحده يغرد معليك بيه

حنين العراقية الجبورية
09-27-2012, 11:52 PM
عذرا ولكني لا اعرف كيف اضع الصورة بس هنة من افردهن عن بعض .....يعني واحد بالقفص وواحد مهدود بالغرفة واحد ينادي الاخر بصريخ والاخر بتغريد فهن ذكر وانثى اكيد .......بس كنت حابة اعرف الاسئلة اهواية .لان صدك محيرتني ........وهسة انضافلهة ان الانثى كثيرة النوم اصبحت ومو نشيطة ؟؟؟وكل ما يتقرب لها الذكر ............ترجع تنام وتضع راسها على جنحها وتنام ويضل هوة يغرد
خروجها احسة متغير هوة متحجر وليس بية حبوب ابيض مائل للصفاار ..........ارجو الاجابة من حكم خبرتكم بهذا المجال رجاءا ؟؟؟؟؟؟؟؟؟؟؟؟؟؟؟؟؟؟؟؟؟؟؟

مرتضى ابو نرجس
09-27-2012, 11:58 PM
اخت حنين الجواب كتبته الك عيني وطريقة العلاج اذا تقرين الردود الفوك من فضلك

حنين العراقية الجبورية
09-27-2012, 11:59 PM
شكرا على روعة الاجابة وعلى كل من اهتم بالاجابة عن اسئلتي

FalconSniper
09-28-2012, 04:27 AM
أذا كان براز الأنثى أكبر من المعتاد وعلى شكل متحجر مائل ألى اللون الأبيض أو البني فهذه أحدى العلامات الأكيدة لوضع البيض ... فيا أختنا الكريمة ..كما أبلغتك سابقا ...أرفعي الصور الملائمة لكل حالة تحصل أمامك لتحصلي هلى أجابة دقيقة وشافية ... يعني سؤالك الأول يدل على إن الطائر مريض ... وتوضيحك بذكر أن البراز على شكل متحجر ... قد يعني أن الأنثى تعاني من الكوكسيديا أو أنها في مرحلة التبييض ... فكيف لنا أن نحكم بدون الصور ... ؟؟؟

وقسم الدعم الفني يوضح طريقة رفع الصور ... وطريقة تصغير الصور إن كانت كبيرة كذلك ....

فأتمنى أن تراجعين هذه المواضيع وترفعيلنا الصور مع كل سؤال ....

حنين العراقية الجبورية
09-28-2012, 04:22 PM
رجاءا هل ممكن اعطاء لطائر الكوكتيل المريض حبتان من سلفامايسين في مشربية الماء .................مع 10 قطرات من هرمون الطير القوي .................لو لازم كلمن على حدة في مشربيتين ..............لو يجب ان اخلص العلاج بالسلفامايسين ...........وبعدين الهرمون ..........وهل اعطي للكوكتيل حبيتين لو حبة

مرتضى ابو نرجس
09-28-2012, 05:20 PM
لا ميصير يخبط علاجين بنفس المشربيه خليهم ايطيبون اولا وبعدين استعملي هرمون الطير القوي.واذا كانت حالتهم تعبانه ضعيلهم حبايتين واما اذا اعتياديه حبه واحده فقط

حنين العراقية الجبورية
09-28-2012, 06:15 PM
شكرا لسرعة الاجابة ..................وعاشة ايدكم على هذا الموقع الاكثر من رائع

ابو مسلم
09-29-2012, 08:32 PM
اخي العزيز ابو نرجس .... انت تعرف عندي فرخ ربيته وتئلف وصيح علي يجي وسمينا خلف ونطلعه بحديقه وصار واحد من البيت ولكن ليوم الحجيه حطته جوه البوري وغسل بل زاهي هو حلين زين مابي شي بس مثل زعلان واسف على الاطاله .

مرتضى ابو نرجس
09-29-2012, 09:00 PM
ايجوز زعلان شي غسلتوه بزاهي وهو متعلم على شامبو مال اطفال هههههههههههههه.اتشاقه حبي.
يعود اخاف انوب تمرض دلاحظه من بعد مينشف وشوف حركته واذا يعاطس يعني تمرض واذا عدت مابيه شي يعني عدت سلامات وهو يرجع لوحده

ابو مسلم
10-01-2012, 10:39 PM
اخي العزيز ابو نرجس ..... عندي النثيه باضت ثلاث بيضات وطلع واحد وهسه هم باضت ثلاث وطلع واحد ولك جزيل الشكر .

مرتضى ابو نرجس
10-01-2012, 11:27 PM
السبب اما من المجاثم تتحرك او الفحل بعده ميعرف يلقح عدل وبالاستمراريه يكتسبون الخبره من تلقيح صحيح واطعام الافراخ ..

ابو مسلم
10-01-2012, 11:44 PM
اخي العزيز......البيض اول فحل والبيض الثاني غيرنه الفحل ونت تعرف القصه .

مرتضى ابو نرجس
10-02-2012, 12:10 AM
يعني مو نفس الفحل لعد احتمال تكون عندك النثيه مشحمه قليل افحصها وانطينه خبر

حنين العراقية الجبورية
10-04-2012, 08:19 PM
السلام عليك اخي ابو نرجس .............حابة اسئلك عن زوج الكوكتيل الي عندي .......قلت لك اذا تذكر ان النثية خاملة وقلت لي اعطيها مضاد حيوي واعطيتها سلفامايسين .......وجانت متاكل ابد وهسة صارت اشوية احسن كامت تاكل اهواي وهم نايمة .......واغلب الوقت راسهة بجناحهة .......حتى الفحل طكت روحة دوخنة بالاعياط .......بس هية تدخل بالبياضة هية وياة بعض الاحيان بس من تطلع تنام وحتى من يمشطلها ريشها هية همة تسوي قليل وهم ترجع اتنام ...هسة جنة نعتقد ان بيها بيض في بطنها .....بس انت حسب ما قرينا بموقعكم اذا بداخلها بيض هم اسبوعين وتبيض وهية صارلهة شهر يمنة وماكو .......لا هية امبيضة .ولا هية راجعة مثل نشاطهة القديم في بدايتها ...وهاي اطفالي يا حرام اموفريلهم كل الراحة حتى يبيضن ويجن الفراخ ....وكاعدين يحلمون .والطيرة نايمة الخاتونة .........واللة ضوجتنا ما نعرف شنو الفلم مالهة .......من ما سمعت يا ريت تنطينة نتيجة .....لان شكلها ما بيهة فايدة ......انبيعهة ونجيب غيرهة لو حضرتك ششخص حالتها بحكم خبرتك ؟؟؟؟؟؟؟؟؟؟؟؟؟؟؟علما ان الذكر نشيط بشكل واغلب الوقت رافع جنحانة ويغرد ؟واحنا تننطيهن بعد ما انتها علاج السلفامايسين ...دننطيهم هرمون الطائر القوي للاثنين ؟؟؟؟عذرا للاطالة ؟؟؟؟؟؟؟وياريت الاجابة الان ما دامني متواجدة لطفا

حنين العراقية الجبورية
10-04-2012, 08:44 PM
رجاءا ............................انتضر الاجابةةةةةةةةةةةةةةةةةةةةةةةةةةةة

سيف ابو سهر
10-04-2012, 10:43 PM
اخت حنين اني اقترح تبديل النثيه ولو اني مشايف النثيه بس ايجوز كبيره بالعمر أفضل تبديلها وما زال عندج فحل جاهز للزواج وخاصتا احنه في موسم تكاثر وانتي بدورج حاولتي علاجها ولم يفلح الامر وكما ذكرتي بانها خامله على طول فأرجح بالاغلب بان النثيه كبيره بالعمر والاخ ابو نرجس قريب عليج اذا حضرتج من بغداد اخذي منه نثيه وما ايقصر وياج تحياتي وتمنياتي لكي بالتوفيق .

مرتضى ابو نرجس
10-04-2012, 11:10 PM
ابو سهر حبي هسه هي لو الاخت حنين ترفع صور علمود نشوف النثيه ونقدر عمرها .
لكن انتظري حنين لان عمر الكوكتيل 15 سنه ويكدر يتكاثر اني انطيج علاج اتركي العلاج الي تنطينه الهم واخذي علاج للرشح لان هذا الشهر اكثر الطيور تصاب بالخمول بسبب بدأ تغير الجو فعادي لا تخافين لان الكوكتيل ميزته قابل للعلاج عكس البادجي .اذا تحبين تعزلين النثيه وحدها وتنطيها العلاج قطرات للرشح او تخبطين كبسول التهابات وحده ابو ال500 اي كبسول التهابات ب1 لتر ماء وتخبطيه حيل بحيث يذوب وتنطيه لمدة 5 ايام متتاليه ويوميه تخبطين كبسوله بلتر ماء وتغيرين الماء ثاني يوم وكذالك وبعدها راح تتحسن ان شاء الله وبعدين تذوبين فيتامين حب فيتوبليكس بالماء وايضا لمدة 5 ايام مع مراعاة عدم اعطاء الطيور حاليا اي بيض مسلوق او خضروات وفواكه الا بعد مرور اسبوع على الاقل لحد ماتتحسن الانثى واذا تكدرين تلزميها وتفحصين صدر الانثى اذا كانت ضعيفه او وجود براز ملتصق في ريش المخرج.واي شي تحتاجين احنه بالخدمه.

حنين العراقية الجبورية
10-05-2012, 12:06 AM
اي هوة اكو براز ملتصق بريش المخرج .............والطيرة امبين عليها ضعيفة ........وصعدتها ونزلتها للاكل احسهة ثكيلة وببطئ وحذر شديد..........ولكنها من تاكل نشيطة ومن تصعد يم البياضة تنام وتخلي راسها بجنحها ..واللة ما اعرف اشبيها ؟؟؟؟؟؟؟؟

حنين العراقية الجبورية
10-05-2012, 01:37 AM
رجاءا اخي ابو نرجس.......ممكن اعرف عنوان المحل او اي وسيلة اتصال ...........حتى يتمكن زوجي للحضور الى محلك ...............وهل لديك نثية انا لا اعرف اسمها ولكن تكون وجهها اصفر بخدود......وهي بيضاء ومصبعة برصاصي ...............على ما اضن اسمها وايت فيس مصبع _(بضهرها خطين رصاصي وهوة اساسة ابيض والراس اصفر فسفوري عبالك وبية اخدود )رجاءا راح انتضر الاجابة على الخاص ...........مدام باجر جمعة ويكدر زوجي يجي ؟؟؟؟؟؟؟؟؟؟؟وكم سعرة اذا متوفر؟؟؟؟؟؟؟؟ويصير نثيتين وفحل واحد بالقفص اذا اشترينا ؟

مرتضى ابو نرجس
10-05-2012, 07:09 AM
عيني اذا هيجي سوي الي كتلك عليه وخلينه على اطلاع على حالتها ولاتخافين الشغله بسيطه اذا عالجتيها لان اذا اتدهورت الحاله احتمال تخسريها فمن هسه سوي مثل ماكلتلك

jallal Geographic
10-05-2012, 02:42 PM
السلام عليكم
جبت هرمون الطير القوي واريد اعرف يصير اخليه بالمي مالتهم عادي لو لازم بس الفحل يشرب منه؟ وشكد اخلي قطرة لو اكثر ؟

توتو وكوكو
10-06-2012, 05:04 AM
مرحبا اخوان عندي فقط سؤال كوكتيلي كان مريض قليلا مصاب بلنشله تم ارشادي في استعمال الليمون او الحامظ لعلاج النشله والحمد الله تم شفاءه تماما لكن عند وضعي الليمون في كاس الماء للطائر
الطائر رش عينه اليمنه بالليمون او الحامظ وتالم كثيرا وصرخ هل اثر الليمون على عينه وخصوصا يفتحها قليلا ويسدها كثيرا ارجو من الاخوه الخبراء الاجابه على سؤالي
وماذا افعل ؟
وشكرا لكم سلفا

مرتضى ابو نرجس
10-06-2012, 03:13 PM
مرحبا اخوان عندي فقط سؤال كوكتيلي كان مريض قليلا مصاب بلنشله تم
ارشادي في استعمال الليمون او الحامظ لعلاج النشله والحمد الله تم شفاءه تماما لكن عند وضعي الليمون في كاس الماء للطائر
الطائر رش عينه اليمنه بالليمون او الحامظ وتالم كثيرا وصرخ هل اثر الليمون على عينه وخصوصا يفتحها قليلا ويسدها كثيرا ارجو من الاخوه الخبراء الاجابه على سؤالي
وماذا افعل ؟
وشكرا لكم سلفا
اخي رشه بالماء او ضع له اناء للسبح

jallal Geographic
10-06-2012, 05:28 PM
ابو نرجس لييييييييييييييييييييييييييييش طفرت سؤالي يمعووووووووووود مو من البارحه انتضر :eek:

مرتضى ابو نرجس
10-06-2012, 05:31 PM
جلال شنو قابل انته ماخذ دوريين هههههههههه .
مو جاوبناك هناك حبيبي انته جلاوي

jallal Geographic
10-07-2012, 01:09 AM
السلام عليكم
جبت هرمون الطير القوي واريد اعرف يصير اخليه بالمي مالتهم عادي لو لازم بس الفحل يشرب منه؟ وشكد اخلي قطرة لو اكثر ؟

ابو نرجس قصدي على هذا السؤال .. ما شفت جواب والله :(
الا اللهم اني سائل هالسؤال بغير مكان ومادري هههههههههههههههههه بس والله ما اتذكر سألته

مرتضى ابو نرجس
10-07-2012, 01:58 AM
هاااااااا قصدك هذا السؤال .
بعد احسن اذا اثنينهم وتخلي بالمشربيه مال المي 10 قطرات وثاني يوم تغير المي بنفس الوقت وهم تخليلهم لمدة 4 ايام وتتركهم لمدة 10 ايام واذا ماكو نتيجه ترجع تخليلهم ...

jallal Geographic
10-07-2012, 04:22 PM
اي هسه تمام..شفت شلون جنت ظالمني هههههههههه...عاشت ايدك اخوية بلكت اكو نتيجه

fuadhade
10-07-2012, 11:08 PM
السلام عليكم اني عندي زوجين كوكتيل ابيض انكليزي وصارلي ثلاث وجبات يبيضون ولم يحصل تفقيس للبيض اي غير شاد البيض ولا اعرف سبب الذكر ام الانثى وشكرا

مرتضى ابو نرجس
10-08-2012, 04:07 PM
اخي هناك طرق للمعالجه.
اولا يعزل الذكر عن الانثى لمدة 10 ايام مع اعطاءه جرجير لمدة 6 ايام و4 ايام هرمون الطير القوي وهو موجود بالسوق عباره عن قطرات يعطى بالماء 10 قطرات باليوم الواحد.
ثانيا تثبيت المجثم جيدا .
ثالثا عمر الطيور هل هو فوق السنه.
اذا اكملت هاي التعليمات تكدر ترجع الفحل يم النثيه.وايضا تكدر تنطي للنثيه هرمون الطير القوي لتحفيزها.

fuadhade
10-08-2012, 10:21 PM
مشكور اخي العزيز ابو نرجس وبارك الله فيك وهاي سهلة لكن اخاف مضروبات ابر ويروح التعب بدون فائدة هاي شلون نعرفه وشكرا

مرتضى ابو نرجس
10-08-2012, 10:58 PM
يعني انته ماخذهم من السوك لو من واحد مربي ثقه طبعا اذا سويت هالارشادات ومافاد يجوز على كلامك مال بره ومضروبات ابره ..
اتوكل على الله وان شاء الله خير

fuadhade
10-10-2012, 08:04 PM
مشكور اخي العزيز ابو نرجس اني اخذتهم من محل اولا اشتريت اثنين على اساس ذكر وانثى وبعدين طلعن نثايا اثنينهم وبعدها اشتريت من واحد ذكريت وللصدفة هو نفس حالتي وطلعن ذكرين اعمارهم كلهم وسط مع جزيل الشكر

عمر الخالدي
10-10-2012, 08:48 PM
السلام عليكم عندي زوج كوكتيل زوجات وصار مدة يدخلن للقفص ويزاوجن باليوم اكثر من اربع مرات باليوم.. يوم الجمعة الفات فتحت البيت مالتهن وجدت النثية بايضة اول بيض واليوم بعد مرور خمسة ايام اراقب الكوكتيل وجدت فقط بيضة وحدة وحتى منايمات على البيضة ...علما الغذاء جيد من ناحية البيض المسلوق و الحبوب ....ارجو الافادة والنصيحة

مرتضى ابو نرجس
10-10-2012, 09:05 PM
اهلا اخ عمر .
اكو بعض الملاحظات الي لازم ينتبه عليها المربي وهي .
كانوا مستمرين بالتفريخ صيفا وشتاءا بدون فترة راحه.
حصول فترة اسهال ورشح من البرد .
ياكلون جيدا مع وجود ضعف بالطيور وهنا يجب ان تتفحص الطيور اذا كانوا ضعيفات وهزيلات جدا.
هسه نجي للمعالجه .
يجب اعطاء الطيور فترة راحه من التفريخ وخاصتا عند تبديل الريش لان هذا يسبب الحاله الموجوده بطيورك حاليا.
واذا كانوا بيهم اسهال يتعالجون لمدة 5 ايام اقل شي وبعدها تنطيهم فيتامينات بالماء لتعويض النقص الحصل بسبب الاسهال.
واذا فحصتهم وكانوا هزيلات فطيورك تعاني من الدود ويجب معالجتهم فورا.
فارجو منك ان تطبق الي كلتلك عليه وتنطينه خبر علمود نثبت العله ونعالجها.
وعذرا على الاطاله

النورس
10-10-2012, 11:14 PM
عيوني ابو نرجس بلكي تشوفلي لكوكتيل لحطيته بلقسم لو احول الموضوع هنا بفقرتك تره مستعجل علمعرفت النتيجه والبركه بيكم

عمر الخالدي
10-10-2012, 11:17 PM
شكرا اخوية بالنسبة للتفريخ اني اشتريتهن برمضان اخر اسبوع كلشي مابيهن زينات حجمهن زين لكن اني ممنطيهن لاكلس و لا فيتامين. مرات انطيهن بيض سلك و التغذية زينة

haider
10-11-2012, 01:52 AM
السلام عليكم اخي الكريم
اذا امكن ان اسئل على مكان تربية الكوكتيل يعني يصير اربي طيور الكوكتيل خارج المنزل اي في الحديقة ام لالا
واسف كوني مبتدأ مع هذه النوعية من الطيور ...

مرتضى ابو نرجس
10-11-2012, 05:14 PM
شكرا اخوية بالنسبة للتفريخ اني اشتريتهن برمضان اخر اسبوع كلشي مابيهن زينات حجمهن زين لكن اني ممنطيهن لاكلس و لا
فيتامين. مرات انطيهن بيض سلك و التغذية زينة
اوكي عمر انطيهن كالسيوم وهرمون الطير القوي واذا لكيت جرجير هم انطيهم

مرتضى ابو نرجس
10-11-2012, 05:17 PM
عيوني ابو نرجس بلكي تشوفلي لكوكتيل لحطيته بلقسم لو احول الموضوع هنا
بفقرتك تره مستعجل علمعرفت النتيجه والبركه بيكم
اخي شفت الصوره ورديت على موضوعك ونحن بالانتظار

مرتضى ابو نرجس
10-11-2012, 05:21 PM
السلام عليكم اخي الكريم

اذا امكن ان اسئل على مكان تربية الكوكتيل يعني يصير اربي طيور الكوكتيل خارج المنزل اي في الحديقة ام لالا
واسف كوني مبتدأ مع هذه النوعية من الطيور ...

نعم اخ حيدر مع تغليف القفص بالنايلون وغطاء ثخين وطبعا مع وضع قمريه فوق القفص تجنبا للشمس بالصيف والامطار بالشتاء ومع وضع اناره حراريه مثلا كلوب ابو ال100 واط او هيتر هليوم ولايت شحن للاناره من بعد انطفاء الكهرباء

النورس
10-11-2012, 07:46 PM
هيه هااااااااااااااااااااي المشكلة القفص جبير ومن اوصل اريد اخذلها صوره تطير بس احاول اذا موكفت اضربها طلقه واخلص خخخخخخخخخخخخ هيه علساس زوج ومشروطه واني اختاريتها من بين 8زواج وجان صاحبها رجال شايب واخذت واحد ابو محل عساس العارفه خخخ هيه منطت اي انطباع انو فحل غير انو صوتها يعني هل الامايه متطلع صوت لوتطلع صوت بس يختلف زييييييييييين سوال هيه هاي الوجبه ل8زواج جانت بيوتها كلها بيها بيض وروسها بيها شويه كرع مال كفشه الفحل مال لتلقيح فاكدر اشوفها من هاي المنطقه وشون افرقها عن لفحل لان هم يصير بي شويه كرع ولوطولت بس البركه بيكم راح اروح اخذلها صور بس اذا سمعتو طلقات عود انتو عرفو النتيجه

مرتضى ابو نرجس
10-11-2012, 07:56 PM
حبي النورس شنو شويه صلع مال الفحل من يكفشها هههههههههه قابل هنه عتاوي الله يخليك لا حبي هو بالاصل بتركيبته الجينيه يصير بيه صلع خلف التاج.

النورس
10-11-2012, 08:31 PM
بلللللللللللللللللله لعد جانت اكو امايه من بين المجموعه تعيش حت تاج ماكو هذا الافندي الاخذته ويايه كلي اخذها كتله شنو يكول هاي مطلعه ومربيه مبين عليها بس استاذي الفحل اعرف بي بس شويه فوق التاج عندي الفحل الرصاصي هيج بس هاي فوق المنطقه اليكفشها منها الفحل بس بعد انت اعرف راح اشوفك الصور بس ليل مواضحه باجر لصبح اشوف هيه المشكله هذا الشايب ميجيها بس بلعيد هههههههههههههههههه بحيث متوحشات بس اجي يمها تطير بلمناسبه اكو صفر وعيونها سود لوكلها حمر وياهو الاحسن هاي عيونها حمر

النورس
10-11-2012, 08:33 PM
بلللللللللللللللللله لعد جانت اكو امايه من بين المجموعه تعيش حت تاج ماكو هذا الافندي الاخذته ويايه كلي اخذها كتله شنو يكول هاي مطلعه ومربيه مبين عليها بس استاذي الفحل اعرف بي بس شويه فوق التاج عندي الفحل الرصاصي هيج بس هاي فوق المنطقه اليكفشها منها الفحل بس بعد انت اعرف راح اشوفك الصور بس ليل مواضحه باجر لصبح اشوف هيه المشكله هذا الشايب ميجيها بس بلعيد هههههههههههههههههه بحيث متوحشات بس اجي يمها تطير بلمناسبه اكو صفر وعيونها سود لوكلها حمر وياهو الاحسن هاي عيونها حمر وشون الاسعار

النورس
10-11-2012, 08:39 PM
73127313731473157316

النورس
10-11-2012, 08:43 PM
عيناااااااااااااااي ابو نرجس الاولى والثانيه هااااااااااي عساس الامايه والثالثه الصدره كركمي هاي الفحل والخ القفص والزوج الاخ هاي الاصل اول زوج بس ابنهم فلت مطلع بلصوره خطيه مسوين تحديد نسل بس واحد طلعو خخخخخخخخخخخ بس شفت شون ترباتي تضحك الامايه للصوره ههههههه

ابو مسلم
10-11-2012, 11:12 PM
​اخي العزيز ابو نرجس مشتاقين ....كيف اعرف الطيرمشحم .

haider
10-12-2012, 12:33 AM
اخي شفت الصوره ورديت على موضوعك ونحن بالانتظار

شكرا شكرا جزيلا جزاكم الله خير

مرتضى ابو نرجس
10-12-2012, 12:57 PM
73127313[/

ATTACH][ATTACH=CONFIG]731473157316


اخي الصوره الاولى انثى لوتينو .
وماعرفت شنو صورة الزوج الثاني تريد نخبرك بنوعهم لو جنسهم ...على كل هذا الي على اليمين فحل نورمل جري رصاصي والثاني على اليسار نثيه لوتينو ....
وبالنسبه للعيون طبعا الوتينو الاصلي تكون عيونه حمراء اللون

مرتضى ابو نرجس
10-12-2012, 01:02 PM
[quote=ابو مسلم;58921]​اخي العزيز ابو نرجس مشتاقين ....كيف اعرف الطيرمشحم .[
/quote]

اهلا اخويه العزيز ابو مسلم .
الطير اذا كان مشحم نفس طريقة الكناري واثار الشحم تكون واضحه اسفل البطن قرب منطقة المخرج ويكون عباره عن شحم تحت الجلد لونه اصفر غامق .وللتخلص من الشحوم يعطى الطائر فلفل اخضر حار مره واحد بالشهر وايضا يكون الاكل فقط دخن وبدون بيض وفواكه وكتان وخبز مع وضعه بمكان يستطيع به الطيران والحركه الجيده

ولد البصرة
10-12-2012, 09:03 PM
السلام عليكم
عيوني ابو نرجس عندي زوج الكوكتيل اللي اشتريتهم قبل فترة بداو يدخلون للبياضة والذكر يغرد للنثية والامور ماشية عال العال ولكن اليوم الصبح شفت النثية اخذت وضعية التزاوج والافندي طلع مبيعرفش صعد على ظهرها وضل واكف يتلفت منا ومنا عبالك صاعدلة على صخرة مو على نثية وكلشي ماسوى زين شنو اسويله هذا الاغم فكرت ادخل بمكانه بس القفص ضيق شنو رايك

النورس
10-12-2012, 09:34 PM
اخويه ابو نرجس بارك الله بيك ورحمه الله والديك طلع لعارفه الماخذه يفتهم خخخخخخ زين هيه هاي الامايه لجنت شاكك بيها وبلنسبه للزوج الثاني هاي قديمات مالاتي بس ردت اشوفك شون تضحك بلصوره خخخخخخخ موتتني ذيج لما اخذتلها بس ها اكو سوال النورمل لفحل بس الثانيه يسموها يمنا عسلي يعني هيه هم لوتينيو

مرتضى ابو نرجس
10-13-2012, 07:50 AM
السلام عليكم

عيوني ابو نرجس عندي زوج الكوكتيل اللي اشتريتهم قبل فترة بداو يدخلون للبياضة والذكر يغرد للنثية والامور ماشية عال العال ولكن اليوم الصبح شفت النثية اخذت وضعية التزاوج والافندي طلع مبيعرفش صعد على ظهرها وضل واكف يتلفت منا ومنا عبالك صاعدلة على صخرة مو على نثية وكلشي ماسوى زين شنو اسويله هذا الاغم فكرت ادخل بمكانه بس القفص ضيق شنو رايك


وعليكم السلام ورحمة الله.
اهلا حجي ابو سيوفي الورده احسن شي تعزل الفحل بقفص ثاني يكون مقابل للانثى او موازي الها يعني بصفها لزك .وتنطيه جرجير لمدة 6 ايام وبعدين هرمون الطير القوي وهو قطرات بالمشربيه تنطيه 10 قطرات لمدة 4 ايام وراح تشوفه يكلب الدنيا بالتغريد ورجعه يم نثيته والباقي هو يعرفه معليك بيهم حجي هي غريزه حيوانيه يعني ميحتاج واحد يعلمه اشلون يزوج النثيه ....

hitham
10-13-2012, 03:47 PM
http://www.samysoft.net/fmm/fimnew/slambasmla/5464564.gif (http://www.samysoft.net/fmm/fimnew/slambasmla/5464564.gif)

هل هذه الكوكتيل اسبانجل ارجو التوضيح


7361

مرتضى ابو نرجس
10-13-2012, 04:27 PM
اخ هيثم هذا بيرل ايزابيل

علي77
10-13-2012, 04:46 PM
كان اللي موضوع عن الأسبانجل كوكتيل او ما يسمى الأيدج دايلوت او الحافة المخففة
بس ما ادري بي وين صار
المهم الصور اعلاه كما تفضل الأخ ابو نرجس بيرل او ايزابيل
وهذه صورة الأسبانجل
http://alghzil.com/up/uploads/alghzil13501323011.jpg (http://alghzil.com/up/)

علي77
10-13-2012, 04:57 PM
وهذا رابط الموضوع بعد البحث عنه
http://alghzil.com/vb/showthread.php?t=3773

hitham
10-13-2012, 05:08 PM
http://www.samysoft.net/fmm/fimnew/shokrmror/1/546456456.gif (http://www.samygames.com/)

ابو مسلم
10-13-2012, 10:29 PM
​اخي العزيز ابو نرجس اكثر المواقع يخلون كتان اكثر من الدخن ونت شنو رأيك ... مشكور ...

مرتضى ابو نرجس
10-13-2012, 11:17 PM
​اخي العزيز ابو نرجس اكثر المواقع يخلون كتان اكثر من الدخن ونت شنو رأيك ... مشكور ...

ابو مسلم تكدر تنطيهم نص كتان ونص دخن واني افضل يزيد بالشتاء ويقل بالصيف

haider
10-14-2012, 01:17 AM
السلا عليكم
اخوان ممكن احد ينصحني بموضوع التخصص
يعني اني محتار بين الكناري والكوكتيل
ممكن احد ينصحني ويكولي هذا النوع من الطيور افضل الك مع ذكر السبب
مع العلم اني اعرف بأن النوعين مختلفيين لكن عندي الاثنين واريد ابعد نوع وبقي نوع ولكم البقية ....

مرتضى ابو نرجس
10-14-2012, 11:52 AM
السلا عليكم
اخوان ممكن احد ينصحني بموضوع التخصص

يعني اني محتار بين الكناري والكوكتيل
ممكن احد ينصحني ويكولي هذا النوع من الطيور افضل الك مع ذكر السبب
مع العلم اني اعرف بأن النوعين مختلفيين لكن عندي الاثنين واريد ابعد نوع وبقي نوع ولكم البقية ....

اخ حيدر هذا الشي محد يحدده الك فقط انته تكدر تحدد وتقرر لان هاي هوايه وحب للنوع الي تريده اذا تريد جوابي انصحك بالكوكتيل لان تربيته ممتعه وبنفس الوقت طائر مغرد

haider
10-14-2012, 02:12 PM
السلا عليكم
اخوان ممكن احد ينصحني بموضوع التخصص
يعني اني محتار بين الكناري والكوكتيل
ممكن احد ينصحني ويكولي هذا النوع من الطيور افضل الك مع ذكر السبب
مع العلم اني اعرف بأن النوعين مختلفيين لكن عندي الاثنين واريد ابعد نوع وبقي نوع ولكم البقية ....

شكرا اخوية ابو نرجس اني راح اكون مع الكوكتيل واسف اذا ازعجتكم
بس سؤال ثاني الكوكتيل استطيع ان اربي خارج المنزل في الحديقة تحديدا
مع العلم القفص مالتي ممتاز جدا وموصفات جيدة وابعادة 2 م * 1.5 م* 70 سم
يعني ممكن اعرف من حضرتك الاجواء المناسبة للكوكتيل في الصيف والشتاء ومتطلبات عيش هذا الطائر الجميل واسف اذا ازعجتك اخي العزيز لكن للخبرة دور كبير وانا لا املك خبرة كافية تحياتي لك ...

مرتضى ابو نرجس
10-14-2012, 02:48 PM
بالعكس لا ازعجتني ولا شي واني بخدمتك .
القفص مناسب جدا وبالنسبه للصيف والشتاء تحطلهم قمريه وتغطيهم بنايلون وغطه ثخين مع اناره كلوب 100 واط زائدا اناره لايت شحن وبالصيف اذا تحطلهم مبرده يكون افضل

haider
10-14-2012, 04:52 PM
بالعكس لا ازعجتني ولا شي واني بخدمتك .
القفص مناسب جدا وبالنسبه للصيف والشتاء تحطلهم قمريه وتغطيهم بنايلون وغطه ثخين مع اناره كلوب 100 واط زائدا اناره لايت شحن وبالصيف اذا تحطلهم مبرده يكون افضل

شكرا وخادم ربك ان شاء الله

mustafaz7z
10-14-2012, 11:41 PM
سلام عليكم ارجو من الخوة المساعدة اني جديد على تربية الكوكتيل عندي زوجين كوكتيل واريد ازاوجهم ممكن طريقة سريعة

مرتضى ابو نرجس
10-15-2012, 04:13 PM
اخ مصطفى يعني اشلون طريقه سريعه اربطهم على u.s.b هههههههههه ....
حبي عندك مواضيع مثبته تخص التربيه والتفريخ واقرأ ولاحظ هل الصفات الي قرأتها موجوده بطيورك او لا ...ونطلب منك ترفع صوره للازواج علمود نتاكد من الاعمار والاجناس ....وشكرراااا

mustafaz7z
10-15-2012, 04:40 PM
اي سمعت انو تخلي الذكر لوحدة بل قفص والنثا بقفص اخر لمدة من 3 الى 7 مو اربطهم بل usb اشكرك اخي على الجابة الحلوة اخوك مصطفى

مرتضى ابو نرجس
10-15-2012, 07:35 PM
ابو الصوف خو ما زعلت تره لتلطيف الاجواء وكلامك صحيح مرات تعزل الذكر عن الانثى يعني مو كل الاوقات

FalconSniper
10-16-2012, 02:20 AM
عجبتني مال ال usb >>> راح أجربها هههههههههه

عزيزي مصطفى ...بصراحة سؤالك أنا أيضا في البداية أحترت فيه ... لأن لاتوجد طريقة نستطيع فيها أجبار أي طائر على التزاوج ... ولدي أزواج مازالت في طور الأحماء بينما أزواج أخرى ستضع العش الثاني !!!

قد تكون الأزواج لديك ماتزال شابة وليست لديها الخبرة الكافية وهذا يعني أنها ستأخذ بعض الوقت لتصل لمرحلة التزاوج ...

mustafaz7z
10-16-2012, 03:46 PM
اشكركم وبلنسبة لخوية مستحيل ازعل منة وشكراً على اجاباتكم اخوكم مصطفى usbوطبعاً مشت علىة هل كلمة منورك هههههههههه

ولد البصرة
10-16-2012, 10:23 PM
السلام عليكم ورحمة الله
الاخوة الاعزاء ابو نرجس وبقية المشرفين الاعزاء
1-زوج الكوكتيل اللوتينيو بيض يوم 20-9 يعني صارله 26 يوم ولحد الان مافقس البيض هل ارمي البيض الان لو اصبر عليه بعد واذا بعد شكد انتظر
2- اذا رميت البيض اكدر انقل الزوج الى قفص اخر اكبر من قفصه الحالي وممكن اغير البياضة لو ابقي نفس البياضة القديمة
وتقبلوا فائق شكري وتقديري

مرتضى ابو نرجس
10-16-2012, 11:13 PM
السلام عليكم ورحمة الله

الاخوة الاعزاء ابو نرجس وبقية المشرفين الاعزاء
1-زوج الكوكتيل اللوتينيو بيض يوم 20-9 يعني صارله 26 يوم ولحد الان مافقس البيض هل ارمي البيض الان لو اصبر عليه بعد واذا بعد شكد انتظر
2- اذا رميت البيض اكدر انقل الزوج الى قفص اخر اكبر من قفصه الحالي وممكن اغير البياضة لو ابقي نفس البياضة القديمة
وتقبلوا فائق شكري وتقديري




حجي طبعا على الاغلب حاليا البيض اما فاسد او غير ملقح..ولتجنب هيجي حاله احسن شي انك تفحص البيض باليوم السابع من بعد اكتمال وضع البيض...وتكدر تنقلهم لقفص اكبر وبنفس البياضه .

FalconSniper
10-17-2012, 02:26 AM
حجي نبيل الغالي ... ممكن أن يكون البيض فاسد ...

ولكن قد يكون البيض الأخير ملقح وهذا تحسبه عن طريق عدد البيض الكلي ... فالكوكاتيل عادة يبيض كل 30 أو 36 ساعة وهناك من يتأخر أكثر ... أفحص البيض قبل رميه أو تكسيره ...

وبالنسبة لنقل الزوج يمكنك نقله بعد التأكد ولا مشكلة في ذلك ...

تحياتي

ولد البصرة
10-17-2012, 10:32 AM
لكم جزيل الشكر اخواني ابو نرجس وابو همام
وبالنسبة لفحص البيض في اليوم السابع للبيضة الاولى او للاخيرة
وممنون منكم

ولد البصرة
10-18-2012, 11:14 AM
البارحة كسرت البيضات الخمسة واحدة فقط غير ملقحة والاربعة الباقيات ملقحات وفيهن اجنة ولكن ميته وداخل البيضة كله ماء اسود ... شنو سبب هذه الحالة وهل استطيع تلافيها مسبقاً
نقلت الزوج مع بياضتهم الى قفص اكبر قياساته 100سم عرض و50 سم نزال و120 سم ارتفاع وفيه زوج اخر وفي حالة تزاوج وصار قتال بين الذكور ونزاع على البياضة الموجودة اصلا في القفص الكبير والتي تخص الزوج الرصاصي فما العمل
اعتذر عن الازعاج لكثرة التساؤلات وممنون منكم لصبركم

سيف ابو سهر
10-18-2012, 03:43 PM
البارحة كسرت البيضات الخمسة واحدة فقط غير ملقحة والاربعة الباقيات ملقحات وفيهن اجنة ولكن ميته وداخل البيضة كله ماء اسود ... شنو سبب هذه الحالة وهل استطيع تلافيها مسبقاً
نقلت الزوج مع بياضتهم الى قفص اكبر قياساته 100سم عرض و50 سم نزال و120 سم ارتفاع وفيه زوج اخر وفي حالة تزاوج وصار قتال بين الذكور ونزاع على البياضة الموجودة اصلا في القفص الكبير والتي تخص الزوج الرصاصي فما العمل
اعتذر عن الازعاج لكثرة التساؤلات وممنون منكم لصبركم

حبيبي انشالله تتلافه ماحدث استعمل منتج الطائر القوي موجود عند البياطرة مع اعطائهم الذره المسلوقه ونوع بالاطعمه المقدمه لهم ، واما بالنسبة للبياضه ضع بياضات اخرى دائما نضع ضعف او اكثر من عدد الطيور ببياضه او بياضتين لتجنب العراك فيما بينهم لان العراك قد ينتج من خلاله اصابات او كسر البيض وتمنياتي لك بالتوفيق .

مرتضى ابو نرجس
10-18-2012, 04:09 PM
حجي انته تأمر أمر .بدون ازعاج ولاشي حبي اربع بيضات ملقحه شي يفرح وهذا دليل على انهم بصحه جيده وسبب موت الاجنه ياتي من طريقتين ...الاولى هي.
عدم خبرة الابويين بالرقاد على البيض.
والثانيه.
اذا رشيتهم بالماء وتبلل النشاره الخشب والبيض وان كان طفار قليل..وطبعا هاي الحاله قليلة الحدوث وتصير عند المربي المبتدء فقط ...انقلهم بالقفص الجديد ومثل ماتفضل ابو سهر انطيهم اذره وبيض مسلوق وكالسيوم واهم شي المجاثم تكون ثابته جدا.

ولد البصرة
10-19-2012, 12:00 AM
والله والنعم منكم وماقصرتو سيوفي العزيز وابو نرجس وابو همام وكلكم خير وبركة والله لايحرمنا منك

haider
10-20-2012, 02:37 AM
السلام عليكم اخوية الكريم اليوم حصلت زوج كوكتيل اصفر ذو خد برتقالي ذكر وانثى زاوجات حسب قول البائع
ويريدهم ب 150000 الف هل يا ترى السعر مناسب
وسؤال ثاني بالنسبة للكوكتيل الرمادي العادي ذو الرأس الاصفر والخد البرتقالي سعرة 120000 لو غالي برأيك
شكرا جزيلا ... تحياتي لكم ...

FalconSniper
10-20-2012, 03:43 AM
حبيبنا الغالي أبو سيف .... أنت أخ عزيز جدا على قلوبنا ولا يهونون بقية الشباب .. إن شاء الله موفق في الأعشاش القادمة ... طيورك حاليا تحتاج ألى تعويض كالسيوم وونسبة عالية من فيتامين e وإن شاء الله يكون كل البيض مخصب في المرات القادمة ...

ولد البصرة
10-20-2012, 11:00 AM
حبيبنا الغالي أبو سيف .... أنت أخ عزيز جدا على قلوبنا ولا يهونون بقية الشباب .. إن شاء الله موفق في الأعشاش القادمة ... طيورك حاليا تحتاج ألى تعويض كالسيوم وونسبة عالية من فيتامين e وإن شاء الله يكون كل البيض مخصب في المرات القادمة ...

الله يعزك ويحفظك اخي ابو همام وهذا من طيب اصلك وانشاء الله الصعب يهون ببركة دعائكم وتوجيهاتكم
اني هسة خال بالقفص قطعتين كالسيوم ( منتج اعتقد اسمه الدولفين الازرق) والطيور تاكل منها على طول وماحصلت قطرات الطائر القوي بس حصلت نوع اخر اسمه (ايزانار) وتركيبه ( فيتامين e و سيلينيوم و سواغ ) ومكتوب عليه( يستعمل لمعالجة نقص الخصوبة الجنسية واضطرابها وضمور العظلات والامراض الجلدية عند طيور الزينة والكلاب والقطط المنزلية ) انتاج سوري واخلي منه 5 قطرات على ماء المشربية مع تغيير الماء يوميا شنو رأيك ابو همام بهذا المنتج زين لو لا
مع فائق شكري وتقديري لمجهوداتكم العظيمة

مرتضى ابو نرجس
10-20-2012, 03:56 PM
السلام عليكم اخوية الكريم اليوم حصلت زوج كوكتيل اصفر ذو خد برتقالي ذكر وانثى زاوجات حسب قول البائع

ويريدهم ب 150000 الف هل يا ترى السعر مناسب
وسؤال ثاني بالنسبة للكوكتيل الرمادي العادي ذو الرأس الاصفر والخد البرتقالي سعرة 120000 لو غالي برأيك
شكرا جزيلا ... تحياتي لكم ...
مبروك عليك الزوج اللوتينو وهو سعره من 150000 الف الى 200000 الف احيانا وسعر النورمل كري من 90000الف الى 120000 الف.

haider
10-20-2012, 04:16 PM
شكرا اخوية ابو نرجس
والله يبارك بيك ان شاء الله

mustafaz7z
10-21-2012, 01:48 AM
سلام عليكم ارجو المساعدة عندي ذكر كوكتيل عمرة تقريباً6 لديه خمول وينفش ريشة وواضع راسة في جناحة وقليل الحركة واحيانن يكون طبيعي يكول ويتحرك ولاكن الكثر يكون خامل وانائم ؟؟؟؟؟؟ ارجو المساعدة

FalconSniper
10-21-2012, 03:45 AM
الله يعزك ويحفظك اخي ابو همام وهذا من طيب اصلك وانشاء الله الصعب يهون ببركة دعائكم وتوجيهاتكم
اني هسة خال بالقفص قطعتين كالسيوم ( منتج اعتقد اسمه الدولفين الازرق) والطيور تاكل منها على طول وماحصلت قطرات الطائر القوي بس حصلت نوع اخر اسمه (ايزانار) وتركيبه ( فيتامين e و سيلينيوم و سواغ ) ومكتوب عليه( يستعمل لمعالجة نقص الخصوبة الجنسية واضطرابها وضمور العظلات والامراض الجلدية عند طيور الزينة والكلاب والقطط المنزلية ) انتاج سوري واخلي منه 5 قطرات على ماء المشربية مع تغيير الماء يوميا شنو رأيك ابو همام بهذا المنتج زين لو لا
مع فائق شكري وتقديري لمجهوداتكم العظيمة


بارك الله فيك أخونا الغالي أبو سيف الورد ... نشكرك على كلماتك الطيبة وما قمنا إلا بواجبنا ...

بالنسبة للمنتج المذكور مادام أنه هذا الموجود ... وهو يحتوي على فيتامين ي والسلينيوم فهذا ممتاز بحد ذاته وهو المطلوب ... ولكن لا تكثر منه ...4 مرات أسبوعيا في فترة التجهيز كافية جدا .... اما المنتج الثاني فلا أعرفه ... فأن كنت تقصد القوالب الدائرية والمستطيلة واللتي تشبه مادة البورك والجبس فأنصحك بالبحث عن زبد البحر أو ظهر الحبار لأن أغلب هذه المنتجات مغشوشة ولا فائدة فعلية فيها ولا تحتوي على الكالسيوم أساسا ...

موفق إن شاء الله في اللإنتاج هذه المرة ...

مرتضى ابو نرجس
10-21-2012, 10:38 AM
سلام عليكم ارجو المساعدة عندي ذكر كوكتيل عمرة تقريباً6 ل
ديه خمول وينفش ريشة وواضع راسة في جناحة وقليل الحركة واحيانن يكون طبيعي يكول ويتحرك ولاكن الكثر يكون خامل وانائم ؟؟؟؟؟؟ ارجو المساعدة
اخي العزيز يجب ملاحظة الطائر هل يوجد اسهال لديه او ضعف يجب ان تتحسس الطائر وتلاحظ صدره اذا كان طبيعي او ضعيف جدا او لديه افرازات من انفه....طريقة العلاج .اما تذهب للطبيب البيطري وتجلب له دواء ضد الرشح مع عزل الطائر طبعا بمكان معتدل وخالي من التيارات الهوائيه واذا لم تجد دواء فعليك خبط كبسولة التهابات بشريه اي كبسوله مثلا كيفليكس.او اموكسيلين.او اي كبسول التهابات تخبط ب1 لتر ماء وترج جيدا لحد الذوبان وتعطى للطائر لمدة 5 ايام وتغير الماء مع الكبسوله يوميا وبعدها تعطي للطائر فيتامينات مذابه بالماء....هذه ملاحظات بسيطه وعلاج ..اريد منك ان تلاحظ الطائر مع تحسسه وتعطينه خبر.

mustafaz7z
10-21-2012, 08:44 PM
بارك الله فيك اخي ابو نرجس سوف استمر بلعلاج

mustafaz7z
10-23-2012, 01:39 AM
سلام عليكم ارجو من الخوة الخبراء اني يجدو لي حل لمشكلتي اخوان عندي زوج كوكتيل صارلهم تقريباً 3 اسابيع ول ذكر يدخل الى العش ولاكن عندما يخر لا يلقح النثى وكنهم غير متزوجين ولاكن دائمن يقفانسوية واحيانن ينقر احدهم الاخر؟؟؟؟؟؟؟؟؟؟

soma almohandes
10-23-2012, 02:11 PM
السلام عليكم
اخوان عندي انثى كوكتيل دائما تكون خاملة ونافشة ريشهة ونايمة رحت لدكتور بيطري نطاني اموكسيل استخدمته 5 ايام وعدته مرة ثانية هم 5 ايام بس بقت نفس الحالة مع العلم اكلهه كلش زين وابرازهه عادي (اجلكم الله ) شنو العلاج المناسب الهه؟؟؟؟
سؤال ثاني جبت كالسيوم عضم الحبار ونطيته للطيور بس شفتهن من ياكلنه يصيرن اسهال ويردنه على شكل سائل ابيض شلته ورجعته ثاني مرة ونفس الحالة ممكن اعرف شنو السبب؟؟؟؟ اسف جدا على الاطالة اخاف ضوجتكم باسالتي وممنون منكم ياطيبين

soma almohandes
10-23-2012, 02:12 PM
السلام عليكم
اخوان عندي انثى كوكتيل دائما تكون خاملة ونافشة ريشهة ونايمة رحت لدكتور بيطري نطاني اموكسيل استخدمته 5 ايام وعدته مرة ثانية هم 5 ايام بس بقت نفس الحالة مع العلم اكلهه كلش زين وابرازهه عادي (اجلكم الله ) شنو العلاج المناسب الهه؟؟؟؟
سؤال ثاني جبت كالسيوم عضم الحبار ونطيته للطيور بس شفتهن من ياكلنه يصيرن اسهال ويردنه على شكل سائل ابيض شلته ورجعته ثاني مرة ونفس الحالة ممكن اعرف شنو السبب؟؟؟؟ اسف جدا على الاطالة اخاف ضوجتكم باسالتي وممنون منكم ياطيبين

haider
10-23-2012, 02:41 PM
اخوية مرتضى ابو نرجس
اذا امكن تنطيني رأيك اريد اشتري زوج كوكتيل جديد اني عندي رمادي نورمل عادي واصفر
واريد اخذ شي جيد اذا امكن تنطيني رايك واسم ولون الطير وسعر الطير واكون ممنون منك شكرا شكرا لك عزيزي الكريم

مرتضى ابو نرجس
10-23-2012, 03:58 PM
سلام عليكم ارجو من الخوة الخبراء اني يجدو لي حل لمشكلتي اخوان عندي زوج كوكتيل صارلهم تقريباً 3 اسابيع ول ذكر يدخل الى العش ولاكن عندما يخر لا يلقح النثى وكنهم غير متزوجين ولاكن دائمن يقفانسوية واحيانن ينقر احدهم الاخر؟؟؟؟؟؟؟؟؟؟

http://alghzil.com/vb/showthread.php?t=628
اخ مصطفى اقرا هذا الموضوع عن تربية الكوكاتيل وانته تعرف حالة طيورك من فضلك...

مرتضى ابو نرجس
10-23-2012, 04:04 PM
السلام عليكم
اخوان عندي انثى كوكتيل دائما تكون خاملة ونافشة ريشهة ونايمة رحت لدكتور بيطري نطاني اموكسيل استخدمته 5 ايام وعدته مرة ثانية هم 5 ايام بس بقت نفس الحالة مع العلم اكلهه كلش زين وابرازهه عادي (اجلكم الله ) شنو العلاج المناسب الهه؟؟؟؟
سؤال ثاني جبت كالسيوم عضم الحبار ونطيته للطيور بس شفتهن من ياكلنه يصيرن اسهال ويردنه على شكل سائل ابيض شلته ورجعته ثاني مرة ونفس الحالة ممكن اعرف شنو السبب؟؟؟؟ اسف جدا على الاطالة اخاف ضوجتكم باسالتي وممنون منكم ياطيبين

وعليكم السلام اخي .
يجب عليك ملاحظة الطائر اذا كان لديه افرازات من انفه وحالة التنفس وايضا امساكه وتحسس منطقة الصدر اذا كان عظم الصدر بارز فهذه بعض الملاحظات الي ننتظرك تحددها وان شاء الله نكدر ننطيك الحل المناسب.
اما بخصوص الكالسيوم عظم الحبار فهذا مستحيل ان يسوي اسهال بالطيور ...فارجو منك ان تنطينه جدول طعامهم ماهو بيض سلك او خضروات بكثره او فواكه بكثره او الطيور مستبرده

مرتضى ابو نرجس
10-23-2012, 04:09 PM
اخوية مرتضى ابو نرجس
اذا امكن تنطيني رأيك اريد اشتري زوج كوكتيل جديد اني عندي رمادي نورمل عادي واصفر
واريد اخذ شي جيد اذا امكن تنطيني رايك واسم ولون الطير وسعر الطير واكون ممنون منك شكرا شكرا لك عزيزي الكريم
/
حبي حيدر اذا تريد فد شي زين وغالي وحلو احسن شي الك.هو الالبينو ويتراوح سعره من 300 الف الى 400الف-+

احسان النقيب
10-28-2012, 02:30 AM
السلام عليكم ؟

شونكم شباب شخباركم عندي استفسار عن ناتج التزاوج بين الوتينيو والالبينيو وفي حالة كان الذكر هو الوتينو او البينيو ؟

وممنونلكم

FalconSniper
10-28-2012, 03:06 AM
عزيزي أحسان ...

جوابا لسؤالك ... وبأختصار فأن تزاوج لوتينو مع ألبينو (أصطلاحا) فأن كل الطيور ستكون لوتينو سبلت وايت فيس .... بغض النظر أيهما هو الذكر وأيهما الأنثى ...

لكون الألبينو هي تسمية وليست طفرة حقيقية وأنما تركيبة من طفرتين وهي اللوتينو والوايت فيس مجتمعة معا في طائر واحد ... ولأعادة أنتاج الألبينو تستطيع أعادة الأفراخ على الفرد الألبينو للحصول على ناتج أكثر من نفس التركيبة ...أو بتزويج الأفراخ لبعضها ... وستحصل على بعض الطيور اللوتينو وايت فيس أو ما يسمى بالألبينو ...


أتمنى أن تكون الأجابة سريعة وخفيفة بدون أدخالك في معادلات وحسابات ...

نتمنالك التوفيق في تربية الكوكاتيل ...

احسان النقيب
10-28-2012, 10:26 AM
عزيزي أحسان ...

جوابا لسؤالك ... وبأختصار فأن تزاوج لوتينو مع ألبينو (أصطلاحا) فأن كل الطيور ستكون لوتينو سبلت وايت فيس .... بغض النظر أيهما هو الذكر وأيهما الأنثى ...

لكون الألبينو هي تسمية وليست طفرة حقيقية وأنما تركيبة من طفرتين وهي اللوتينو والوايت فيس مجتمعة معا في طائر واحد ... ولأعادة أنتاج الألبينو تستطيع أعادة الأفراخ على الفرد الألبينو للحصول على ناتج أكثر من نفس التركيبة ...أو بتزويج الأفراخ لبعضها ... وستحصل على بعض الطيور اللوتينو وايت فيس أو ما يسمى بالألبينو ...


أتمنى أن تكون الأجابة سريعة وخفيفة بدون أدخالك في معادلات وحسابات ...

نتمنالك التوفيق في تربية الكوكاتيل ...


اشكرك حبيبي الغالي على الاهتمام يعني افتهم من حجيك الجيل الاول ماكدر احصل على البنيو ( الي هوة لوتينيو وايت فيس جينيا) ؟

اشكرك مرة ثانية عاشت ايدك

احسان النقيب
10-28-2012, 10:51 AM
شباب كل عام وانتو بالف خير وياريبي يحفظكم ويحققلكم جميع الاماني

عندي سوال صغيييييييييير مرات اشوف صور كوكتيل لوتينيو بس الصفار ماله قوي يعني اصفر مو شكري . يعني صدك اكو هيج الوان؟ وشون نكدر نحصل على هاي الطفرة؟ وذا اكو صدك اكدر الكاهم عدنه؟


وشكراااااااااااااااا

haider
10-30-2012, 01:16 AM
شكرا اخوية ابو نرجس
شكرا على النصيحة ممنون منك اخي الكريم

حيدر الصالحي
10-31-2012, 11:37 AM
كيف نميز بين الذكر والانثى في طائر الكوكتيل (الشكري ) لوتنيو

soma almohandes
10-31-2012, 11:40 AM
وعليكم السلام اخي .
يجب عليك ملاحظة الطائر اذا كان لديه افرازات من انفه وحالة التنفس وايضا امساكه وتحسس منطقة الصدر اذا كان عظم الصدر بارز فهذه بعض الملاحظات الي ننتظرك تحددها وان شاء الله نكدر ننطيك الحل المناسب.
اما بخصوص الكالسيوم عظم الحبار فهذا مستحيل ان يسوي اسهال بالطيور ...فارجو منك ان تنطينه جدول طعامهم ماهو بيض سلك او خضروات بكثره او فواكه بكثره او الطيور مستبرده

السلام عليكم
اخي ابو نرجس الطيور اكلهن دخن وكتان مخبوط باالاضافة اخليلهن باالاسبوع مرتين خبز وبيض واخليلهن تفاح وخيار يعني نفس الجدول الي موجود بالمنتدى بالنسبة للتغذية... بس المشكلة هي ابرازهه اخضر واسهال (اجلكم الله) ودائما اشوفهه تنضف منطقة الخروج ودائما تكون نايمة ونافشة ريشهه... اسف على الاطالة وممنون الك ولكل اعضاء المنتدى

مرتضى ابو نرجس
10-31-2012, 02:38 PM
كيف نميز بين الذكر والانثى في طائر الكوكتيل (الشكري ) لوتنيو



اخ حيدر يميز عن طريق ثلاث طرق ..
اولا جناح الانثى يكون من الداخل اما منقط بالاصفر او به خطوط صفراء بكل ريشه حتى نهاية الجناح ووصلا لمنطقة البطن.اما الذكر اما يكون صافي بدون نقاط او ان وجدت نقاط تكون فقط بالريش القويه ولا يصل لمنطقة البطن.
ثانيا تفحص عظام الحوض قرب المخرج بالتحسس اذا كانت سبابة اصبعك تدخل بين العظام فهذه انثى لانها تكون عظام حوضها عريضه لوضع البيض...والفحل عكس ذلك تكون عظام الحوض متقاربه ولايدخل اصبعك بينهما..
ثالثا عن طريق العرف او التاج فوق الرأس.فالذكر يكون تاجه طويل وملموم ويشبه علامة الاستفهام..اما الانثى فيكون التاج منفوشا وتقريبا يصل ثلث الرأس.وصاعدا للاعلى مع انحنائه بسيطه للخلف...
والطريقه الاخيره هي عن طريق التغريد...

مرتضى ابو نرجس
10-31-2012, 02:41 PM
السلام عليكم
اخي ابو نرجس الطيور اكلهن دخن وكتان مخبوط
باالاضافة اخليلهن باالاسبوع مرتين خبز وبيض واخليلهن تفاح وخيار يعني نفس الجدول الي موجود بالمنتدى بالنسبة للتغذية... بس المشكلة هي ابرازهه اخضر واسهال (اجلكم الله) ودائما اشوفهه تنضف منطقة الخروج ودائما تكون نايمة ونافشة ريشهه... اسف على الاطالة وممنون الك ولكل اعضاء المنتدى

اخي العزيز يعني لحد الان بعدها النثيه مريضه هسه انته فحصتها نفس ماكلتلك ارجو ان تنطيني معلومات اوفر..

احمد السندي
11-01-2012, 12:58 AM
السلام عليكم اخي العزيز
عندي مشكلة قبل 10 ايام باضت انثى الكوكتيل بيضة بعد يومان باضت الثانية ورحت اخلي اكل
بالقفص يمكن زعجتهم فا الانثى لم تجلس على البيض باليل ولا الذكر حتى الفجر وبعدين دخلت وباضت والان 4 بيضات جواهم سؤال هل البيض يفسد تلك الليلى وباضت بس اربعة وقفت البيض

مرتضى ابو نرجس
11-01-2012, 08:03 AM
السلام عليكم اخي العزيز

عندي مشكلة قبل 10 ايام باضت انثى الكوكتيل بيضة بعد يومان باضت الثانية ورحت اخلي اكل
بالقفص يمكن زعجتهم فا الانثى لم تجلس على البيض باليل ولا الذكر حتى الفجر وبعدين دخلت وباضت والان 4 بيضات جواهم سؤال هل البيض يفسد تلك الليلى وباضت بس اربعة وقفت البيض

اخ احمد لايفسد البيض فقط اتركهم بدون ازعاج.....

soma almohandes
11-01-2012, 09:11 AM
اخي العزيز يعني لحد الان بعدها النثيه مريضه هسه انته فحصتها نفس ماكلتلك ارجو ان تنطيني معلومات اوفر..

اسف اخويه ابو نرجس ولو ضوجتك... اي فحصتهه ومابيه اي شي من هاي الاعراض واكلهه كلش زين وتنوع بل اكل بس كتلك المشكلة دائما تكون خاملة ونايمة ولاحضت ابرازهه يكون اخضر

مرتضى ابو نرجس
11-01-2012, 12:22 PM
اسف اخويه ابو نرجس ولو ضوجتك... اي فحصتهه ومابيه اي شي من هاي الاعراض واكلهه كلش زين وتنوع بل اكل
بس كتلك المشكلة دائما تكون خاملة ونايمة ولاحضت ابرازهه يكون اخضر

بالعكس لا ضوجتني ولا شي يمعود احنه بخدمتكم 24 ساعه....
لعد هاي بسيطه مابيها شي مجرد شوية برد..اعزلها بمكان دافي ومابيه تيارات هواء وتنطيهم دواء للرشح موجود قطرات عند البيطريين او اذا مالكيت وبعيد عليك.اي كبسول التهابات استخدام بشري تذوب ب1 لتر ماء وترج جيدا حته الذوبان مع تعطيش الطيور لمدة نصف يوم او يوم ثم يعطى بالمشربيه وثاني يوم يتبدل وكذلك لمدة 5 ايام...ولاتنطيهم اي خضروات او فواكه او بيض مسلوق لحد ما تشوفها طابت نهائيا بعدين انطيهم بيض سلك وفيتامينات بالماء...

ابوسجاد التميمي
11-03-2012, 02:33 AM
السلام عليكم اخوتي الاعزاء قبل فترة اشتريت زوج كوكتيل ايزابيل وكانن نشطات مابيهن شي بعد يومين بدا احدهن يصير عندة خمول واسهال انطيتة تايلوسين وانقطع الاسهال لكن الطير بعدة شوية خامل ومنطقة القفص الصدري بارزة علما انه اكلهن منوع من دخن وكتان وتفاح وبيض انصحوني شاسوي لهالطير مع جزيل الشكر واسف للاطالة

مرتضى ابو نرجس
11-03-2012, 06:07 AM
انطيهم دواء للديدان كيس صغير يذاب ب2 لتر ماء بعد تعطيشهم جدا وتنطيه الهم وبعد اسبوعين ايضا تكرر العمليه عليهم لان احتمال يموت الدود وتبقه البيوض لكن من تكرر العمليه ثاني مره تقضي على بيوض الدود....

ابوسجاد التميمي
11-03-2012, 12:52 PM
انطيهم دواء للديدان كيس صغير يذاب ب2 لتر ماء بعد تعطيشهم جدا وتنطيه الهم وبعد اسبوعين ايضا تكرر العمليه عليهم لان احتمال يموت الدود وتبقه البيوض لكن من تكرر العمليه ثاني مره تقضي على بيوض الدود....

مشكور مولاي تعبناك ويانة

محمد كاسكو
11-03-2012, 05:38 PM
سلام عليكم عندي سؤال هل يتروض طائر الكوكتيل الكبير بالعمر وكيف اعرف عمره والاحسسن بالترويض الفعل ام النثية