المساعد الشخصي الرقمي

مشاهدة النسخة كاملة : استفسار عن كيفيه عمل المفاقس



امير جبار
11-19-2012, 09:23 AM
السلام عليكم اني بالي مشروع وهوه شراء مفقس سعه 500 بيضه او اكثر طبعا اني راح ادوخكم لان اهواي عندي استفسارت اول شي ماهو المفقس الناجح وكيفيه عمله والتعامل معه
-من اين اشتري كميات كثيره من البيض وما هو نوع البيض المتوفر بكثره ويفيدتي بالمشروع وسعر البيض وطبعا سعر المقس واذا فقس الكتكوت بيش ينباع اني دوختكم بس بلكي واحد يفيدني ونسيت شغله وهي المفقس يعمل على الكهرباء كم امبير يحتاج لتشغيله علما املك عاكسه 6امبير يعني تخدمني الرجاء المساعده وعذرا للاطاله

أبو وديع
11-19-2012, 09:56 AM
اهلا وسهلا ... متابع معاك للاجوبة لان من ضمن اسئلتك اسئلة موجودة في بالي ايضا. اتمنى لك التوفيق.

امير جبار
11-23-2012, 09:23 AM
اخوان لازم واحد بالمنتدى عندة فقاسهما نريد شي منه بس يكول شكد تحتاج من التيار و3امبير من مولده الشارع تشغله ام لا لان تدرون بوضعه الكهرباء ما مستقره وباقي الاساله ترك -------------------------------والسلام

امير جبار
11-24-2012, 02:41 PM
شكرا على الصمت فقط مشلهدات وماكو ردود شكرا على كل حال

امجد الفيلي
11-24-2012, 02:49 PM
شكرا على الصمت فقط مشلهدات وماكو ردود شكرا على كل حال

عزيزي والله اصابيعي توجعني ما اكدر ارد ههههههههههههه
اخي الغالي الي ميعرف شلون يجاوبك ؟
على العموم اني بخدمتك اي سؤال بخصوص المفاقس
حبي بالنسبه للمشروع ما عندي اي فكره لان هذا شي تجاري ومو اختصاصي
بالنسبه للمفقسه لازم اتفكر اول شي بتيار كهربائي 24 ساعه بدون انقطاع ونعم 3 امبير كافي ان شاء الله
سولفلي شلون مفقسه تريد اسوي وشعنك مواد ممكن تستخدمها تريد اسويها خشب لشه مال ثلاجه عندك ثرموستات عندك عاكسه تريده تقليب يدوي اوتوماتيكي ؟
واني برسم الخدمه

أبو وديع
11-24-2012, 03:04 PM
لشه مال ثلاجه

لا تكولها ؟؟؟ تصير مفقسة ؟؟؟؟

لاااااااااااااااااااااااا

جان عندي ثلاجة امريكية قديمة بالبيت الي تحولتله عاطلة

حاولت ابيعها حتى لو بخمستالاف محد اخذها

كمت تفيترت بيها وكسرناها انا وصديقي وذبيتها بالزبالة


لاااا قلبي الصغير لا يتحمل ذلك ...

امجد الفيلي
11-24-2012, 03:07 PM
لا تكولها ؟؟؟ تصير مفقسة ؟؟؟؟

لاااااااااااااااااااااااا

جان عندي ثلاجة امريكية قديمة بالبيت الي تحولتله عاطلة

حاولت ابيعها حتى لو بخمستالاف محد اخذها

كمت تفيترت بيها وكسرناها انا وصديقي وذبيتها بالزبالة


لاااا قلبي الصغير لا يتحمل ذلك ...

لشه مال ثلاجه صغيره مو 16 قدم يمعود ههههههههههههههههه

امير جبار
11-27-2012, 01:48 PM
حبيبي امجد شكرا للمتابعه والرد اني كلشي ما عندي اريد فقاسه اوتماتيك وبقدر الامكان تكون اقتصاديه من ناحيه الكهرباء ومثل ما وضحت اني بالموضوع انه عندي عاكسه ومحتاج فقط فقاسه بمواصفات عاليه واني ماراح اتقيد بعدد البيض حتى لو اقل من500 ميخالف كبدايه واذا شفته ناجحه ممكن اخذ اكبر منه بس اني معرفت انته تسويه لو شنو الرجاء التوضيح

امجد الفيلي
11-27-2012, 03:51 PM
حبيبي امجد شكرا للمتابعه والرد اني كلشي ما عندي اريد فقاسه اوتماتيك وبقدر الامكان تكون اقتصاديه من ناحيه الكهرباء ومثل ما وضحت اني بالموضوع انه عندي عاكسه ومحتاج فقط فقاسه بمواصفات عاليه واني ماراح اتقيد بعدد البيض حتى لو اقل من500 ميخالف كبدايه واذا شفته ناجحه ممكن اخذ اكبر منه بس اني معرفت انته تسويه لو شنو الرجاء التوضيح

حبي امير اني ما اصنع مفاقس لكن ممكن اني وابو احمد انساعدك في بناء واحد لكن مطلوب من عندك ان تكون لك خبره في النجاره والكهربائيات
ممكن تنزل الى سوق السنك اكو مفاقس اشكال والوان بصراح مفقس سعه 500 بيضه ما امعامل عليه لكن اكو مفاقس صغار سعه 50 بيضه فول اوتوماتيك اعتقد تسحب واحد امبير سعرها 200 دولار على ما اذكر

امير جبار
11-28-2012, 04:49 AM
شكرا اخ امجد بالنسبه للخبرة ما عندي لا بالنجاره ولا بالكهربائيات اني اريد اشتري وحده جاهزه من السنك ولو بعيده عليه واني ما اندل بسوك السنك لان اني بالديوانيه وافتريت بالسوك كالولي لاتعب نفسك بالديوانيه ما كو مفاقس الا من بغداد السنك البيت الزراعي وين يصير اخ امجد وربي يوفقك

امجد الفيلي
11-28-2012, 01:05 PM
حبيبي امير اكيد تندل جامع الخلاني ؟؟
هو بس توصل اهناك اسئل اي شخص وين محلات الدواجن الي يبعون مستلزماتها ومفاقس راح يدلوك وتدلل

امير جبار
11-28-2012, 01:13 PM
ربي يوفقك بارك الله بيك ياطيب