اهلا بيك عزيزي شيرزاد واحنة بالخدمة
بالنسبة للقلاب (دمانلي) في الصورة الاولى احنة انسميه مسجي بالديوانية والجنوب وهذا اللي يمك بيه دكات اكو منه بخطين صافي كلش حلو وسعره زين
وبالنسبة للحمام الاخر الميرو فاني لا اعلم هل هو موجود انا عن نفسي شايفه بالصور فقط
ان شاء الله الشباب ايفيدوك اكثر
تحياتي

_________________

التوقيع

اعتذر عن انقطاعي عنكم اخوتي بسبب عطل في شبكة النت

عزيزي شيرزاد

انا احجيلك بالموصل وتسمياتها للطيور . وبما ان الطيور مالموصل فتكون الاحقية لتسميات الموصل .

هذه الطيور



نسميها رصاصيات . ولو كانت بقلمين واضحين راح يكون اسمها خضر.

اما هذه الطيور


فهي موجودة ايضا بالموصل وتسمى "شمعيات" وهذولة الشمعيات الي بالصورة مو صافيات مضربات على غير طيور اتوقع مضربات على رصاصيات "رماديات"

هذه صورة الشمعي الرس الصافي

_________________

التوقيع

شكرا لكم ابو حيدر و اخ ابو وديع على الرد السريع .
ابو وديع كلامك صح الشمعيات مضروبات .
سؤالي هل الشمعي مثل ما في صوره موجود الان بموصل و كم سعرة
اتراك اصدقاءي يقولون بانهم حصلوا على هذه شمعيات(ميرو)بعد عام 2003 مع الشكر

كلامك سليم يا ابو وديع عاشت ايدك
لكن ما اعرف ليش هيج انقلبت اسماء الحمام وهي لم تاتي من دول اخرى هو حمام مصلاوي تم تربيه بالجنوب
لماذا لم يبقى كحال الحمام البغدادي الذي لم تحتلف المحافظات الا على البدرنك (الخنجرلي) فيه
يعني الصابوني والودعي عدنا اسمه مصلاوي والودعي مموجود بالديوانية اصلا لو موجود جان سموه مصلاوي جتاف سود
المسكي والاجغ عدنة اسمه عنبري
الاخضر عدنة اسمهن مسجي او ازرك
وعدنا طير قلاب يشبه الاخضر بالضبط ولكنه بلون اصفر احنة انسميه شمعي
مرات كلهن ايسموهن قلابات وكبل في بعض المحلات
وانت استلم
تحياتي

اختلاف التسميات يصير من جهل من ادخل الطيور الى المحافظات الاخرى "ليس انتقاص منهم مع كل احترامي لهم" او من الباعة والباعة معروفين بأختراع الاسماء بكيفهم

مو طلعلونا فنجس باكستاني وبادجي هولندي و هلم جرى من الاختراعات العجيبة بالاسماء مثل ما قال مرة احد الاخوة ان الباعة يعتبرون الجاوا من فصيلة البلابل !!!

بعدين بصورة عامة حتى يمنا بالموصل حمام بغداد ما نعرف اسماء الوانه ما عدنا مزلف وادلع واغر هاي هسة منكم دا اتعلمها

احنا يمنا كلها اسمها احمر مالبغداد على الحمر بكل انواعه اسود مالبغداد على الكمرليات بكل نوعه. وهكذا.

الي تكول انها يمكم اسمها شمعيات احنا نسميها شكريات مصلاويات .

بالنسبة لسؤال اخونا شيرزاد :

كل انواع المصلاويات متوفرة في الموصل والنقي والرس الاصيل منها ما تحصلة بسهولة من الاسواق المعروفة انما من مربين محترفين واسعارها عالية.

بالحقيقة الرس الصافي جدا من الشمعي انا ما شايف منه هواية . بصورة عامة سوق الصابوني والودعي والمسكي اقوى شي.

انا مع ابو وديع من ناحيه التسميات

_________________

التوقيع

]قال النبي محمد صلى الله عليه واله وسلم
ان لم تستحى فاصنع ماشئت

السلام عليكم ورحمة الله وبركاته ..لكم مني خالص التحية لمنتداكم الرائع ..والاروع انه لكيت بيه قسم يهتم بالحمام الموصلي ..واذا امكن ابو حيدر اني عندي (كليات ) يطيرن توب يعني مواصفات قياسية لكن ما يكملن ال42 او 43 يوم لحد جفة الذيل بعد بالكاع يكلبون ..عنده حل ويمكم هم مطياره نفس الحساب لو اشلون.. مع تقديري لكم

السلام عليكم اكيد يوجد مصلاوي للزينة ومصلاوي للمطيار فياهنة للزينة وياهنة للمطيار واني اكون شاكر الكم لأن اشتريت مجموعة مصلاويات بيهن مكعكلات وبيهن بدون كعكولة اني اريد اطيرهن يا نوعية توب للمطيار مع جزيل الشكر .ها نسيت كم اسعار النوعيتين .اني بأنتضار ردودكم شباب

وعليكم السلام ورحمة الله وبركاته
اشكرك عزيزي ابن كركوك على كلامك الجميل
عزيزي بس مفتهمت شنو يعني كليات لان تعرف اختلاف التسمية بالحمام المصلاوي بين المحافظات
فاذا تشوفلنا اسمه ببغداد والجنوب او ترفعلنا صور له او احد الاخوان ايكللنا باسمه اكون ممنون
بانتظار ردك عزيزي وان شاء الله نكدر انفيدك
تحياتي

وعليكم السلام ورحمة الله وبركاته
عزيزي اني بنظري كل الحمام المصلاوي ينفع للزينة بسبب شكله الجميل
ولكن
حمام الزينة هو اللي يكون فيه اضافات مثل الكعكولة اوالكرست والكلاش يكون كبير والمنقار صغير نسبيا وغيرها من الامور المجملة للطير
وحمام المطيار المصلاوي القلاب الافضل به يكون منقاره طويل وجسمه رشيق اكثر وحجاله قصير يغطي الاصابع ويكون بدون اضافات وغيرها
وبالنسبة للاسعار فاني اسف ما اقدر اساعدك بيها لان ما اعرف اسعار المصلاوي
تحياتي