خاص بهواة تربية الفنجس بأنواعه "الزيبرا، الجاوة، البنغالي، السبايس ...الخ"

قوانين المنتدى

1. عدم كتابة اي موضوع لا علافة له بالقسم

2. حاول كتابة الموضوع بأسلوبك "المواضيع المنقولة ممنوعة"

3. حين تكتب موضوع خاص لم ينقل من موقع اخر يرجى ذكر هذا الامر لنجعل حقوق الموضوع لموقعنا.

4. عند اضافة موضوع يكون عبارة عن صور يرجى كتابة تعليق عنها ولو بسيط وعدم ارفاق الروابط فقط.

صورة

كتابة التعليقات

صور من قفصي

26 يونيو 2011 10:55

السلام عليكم ورحمة الله وبركاته

شلونكم شباب شخباركم ان شاء الله بخير

مشتاقون جداااا بس الخميس يلا خلصنا امتحاناتنا ومشتاق لعمي علي 77 ياربي يحفظة وابو وديع والكل الكل

اليوم كلت انززلكم جم صورة

صورة القفص ( السلاكة )

صورة

جبيرة بس مدري ليش مبينة صغيرة + اشعه الشمس تجيها وقت الشروق بس ومثل ما تلاحظون الشمس متحركة بعيدا عن القفص

اعاني مشكلة بيها لكبرها وهي كيفية تثبيت الدعائم الاسطوانية ( الاغصان ) بسمك 1 سم فكلت اخلي خشبات بالنص واخليهن بينهن ونص معلكهن فوك بزواية القفص

الي عندة فكرة لا يبخل علينا
*****************************


صورة


انثى طائر حسون مع فرخين من الزيبرا اشتريتهم زغار الذكر اعتقد بيد او سادل باك والانثى نورمال

* استبدلت اناء الاكل لان اذا احط كيلوين كيلو يتطشر وكيلو ياكلنه لذلك فرغ الاكل بأناء اعمق

***************************

صورة

صورة واضح بيها اللايت باك + الفول وايت + الجسنت فلانك وايت + البيد لايت باك = نازلات يلمن لان الدخن يطلع ومن يموت ياخذنه للعشاش

ومثل ما تشوفون بالصورة الاولى حاط صوندة ماي للحمام مالتهن واكيد ب4 الظهر وكت الحر بس افتحلهن الصوندة ويصير السبح توب كلهن ينزل


يلا شباب انطوني رأيكم بالصور ولو قليلات وبعيدات والي عندة ملاحظة انتقاد يكوووول يفيدنا

تحياتي الكم

Re: صور من قفصي

26 يونيو 2011 16:14

اول شي ولكم باك دكتورنا الورد

وان شاء الله قدمت زين بالامتحانات

وثاني شي ما شاء الله قفصك جبير ويوسع اضعاف ما موجود بيه من طيور . مدللهم اخر دلال.

"حقة ذاك الرجال من عبالة صرت مطيرجي البرج جبير ينفع للحمام صورة"

حبي انا اشوف انه القفص حجمه اكثر من مناسب وينفع تجيب به بعد كومة طيور.

الحسون حلو لكن شتسوي بالنثية مالته ؟ وبشكد اشتريتها ؟

لان حتى البندوق مالكناري وحسون يكون عادة الفحل حسون والانثى كناري اذا تدبر فحل حسون بالغ اعزلها وياه وكاثر حساسين.

اهم شي تكون مأمن القفص من البزازين لان واضح انك مخليهم بالحديقة.

انا ان شاء الله ناوي بس ارجع للموصل اسوي قفص مشابه بس مفكر قبل ما ابنيه احفر المربع الي راح اخلي بيه القفص واترسه حجار او سمنت داير مادايره وابني القفص لان عندي هشكل تجربة سابقة البزونة حفرت التراب من جوة القفص وسوت نفق ودخلت اكلت الطيور .

Re: صور من قفصي

26 يونيو 2011 19:22

ماشاء الله روعة عاشت ايدك ونصيحة من اخوك حماد جيبلك جم زوج بادجي الوان مميزة وجيب فد زوج زوجين بادجي انكليزي

Re: صور من قفصي

26 يونيو 2011 19:40

حبيبي ابو وديع تاج راسنا وعمنا الجبير الحمد لله زين بالامتحانات
هههههههههههه هاي بعدك تذكر سالفة الكلي انت مطيرجي مو طبيب هههههه راح ننفضح اريدك وياية شو صرت علية

القفص جان اكبر بهواية كلش بس عزلت منه متر ونص اخوية جاب ديج ودجاجات كلت اكسب بي ثواب هههههه

خسرت فحل بلاك من ورة البزون لان جنت ما مسكفة من فوك بس سكفته بنايلون 3 طبقات ولكيت خوش دوة للبزون فبعد ما تلفي وحتى لو تجي ما تسويلهن شيء والجريذي الله يبعدنا لان اكو بزازين

الحسون جانن زوج بس شو الفحل مات عد صديقي وجابلي بس النثية لان حتى اهل المحلات ما يعرفون شنو فلمة واكو بيهم مشايفيه اصلا واليوم قريت موضوع انكليزي وتبين انه هاي نثية افكر اجيبلها فحل كناري لان ذكر الحسون ماكو

واذا اكو بيش يمكم ؟؟؟

والنثية بيش ؟؟ مع العلم هاي بالغه

Re: صور من قفصي

26 يونيو 2011 19:44

karrar adnan كتب:وعليكم السلام ورحمتة الله وبركاتة

ماشاء الله عليك مرتب القفص ترتيب جميل جدا وحول

واني انصحك تروح تجيبلك بعد زوج حمام زينة حلوات وتجيبلك زوج بادجي وزوج طيور الحب الغندور يعني نوع من كل شيء زوج لان ماشاء الله السلاكة يمكة كبيرة ومرتبة

احذر من البزازين اني اكول لاتخلي دائر مدائر القفص من جوة خشب فايبر يعني يصير حزام من نهاية القفص علمود لا البزونةوالا الجريدي يكدر يشك السيم ويدخل

واني اكول لو تعلك مكان الاكل مالهن بالسيم احسن

بالنسبة للانثى الحسون بيش اشتريتها ؟؟

تقبل مروري

تحياتي


حبيبي كرار منووور الموضوع :D
البزازين منتهين من سالفتهم الله جفانا الشر ....
خوش فكرة فكرة الحزام للشتا ان شاء الله نسوي كم تعديل
اما بالنسبة لمكان الاكل بالكاع احسن انطيهن تقريبا نص كيلو وهنه ياكلن بي حتى ما اسبب ازعاج وكلساع فاتح القفص وحتى الماي حاطلهن صوندة واخلي الماي جاري حتى يتبدل وما ادخل للقفص ابد

الانثى هدية اجت علساس فحل لان محد يعرفها وجانوا اصلا مغيرين اسمة لان محد يعرفة
بالسوك بيش ؟؟

منور حبيب كلبي

Re: صور من قفصي

26 يونيو 2011 19:46

حماد الامارة كتب:ماشاء الله روعة عاشت ايدك ونصيحة من اخوك حماد جيبلك جم زوج بادجي الوان مميزة وجيب فد زوج زوجين بادجي انكليزي


شرف جبير الية حماد الامارة يرد علية منوور حبيب القلب

البادجي عندي زوجين بس حاطهم بقفص اصغر منه لان ما يرهمن الزيبرا ويا البادجي
وطيور الحب ( الغندور ) شفته عد صاحبي مرد الوضعية كلها والزيبرا كلها جارة بوش منه الا لازم ينعزل وحدة

Re: صور من قفصي

26 يونيو 2011 20:05

ماشاء الله قفص مرتب

Re: صور من قفصي

26 يونيو 2011 21:50

العفو كرار خوية خادم ربك ان شاء الله

الطير علاماته مال انثى لان الحمار ما يمتد ورة عيونه وسواد راسة بي ريشات رمادية وهاي علامات الانثى

اشوفلها فحل كناري لو فحل حسون

الله يخليك على نصيحتك ندور ونشوف

Re: صور من قفصي

26 يونيو 2011 21:59

شكرا حبيبي مصطفى هذا من ذوقك

Re: صور من قفصي

27 يونيو 2011 06:16

ماشاء الله قفص روعة بس انتبة للشته اهتم بيهن زين وترة مايصير تخلي باجي هواية وياهن مثلا 10ازواج زيبرا ممكن بقفصك هذا زوجين فقط ودير بالك تخلي غندور وياهن وخاصة الروز تره يقطع الباجي والزيبرا يثرمهن ثرم ..................تحياتي
كتابة التعليقات
Fatal: ./cache/ is NOT writable.